News Flash

भविष्यकाळात सार्वजनिक वाहतूक सुविधा सुरु करण्याचा विचार

केंद्रीय मंत्री नितीन गडकरींचे सुतोवाच

करोना विषाणूचा सामना करण्यासाठी केंद्र सरकारने १७ मे पर्यंत लॉकडाउनचा कालावधी वाढवला आहे. या काळात संपूर्ण देशात सार्वजिनक वाहतूक सुविधा बंद ठेवण्यात आली आहे. भविष्यकाळात केंद्र सरकार अटी व शर्थींसह सार्वजिनक वाहतूक सुविधा सुरु करण्याच्या विचारात असल्याचं मत केंद्रीय मंत्री नितीन गडकरी यांनी व्यक्त केलं. सार्वजनिक वाहतूक आणि महामार्ग खुले केल्यानंतर लोकांमध्ये आत्मविश्वास येईल असा अंदाज आहे. पण यासाठीही आधी नियमावली आखून देण्यात येईल. नितीन गडकरी Bus and Car Operators Confederation of India च्या सदस्यांशी व्हिडीओ कॉन्फरन्सिंगद्वारे बोलत होते.

काही दिवसांपूर्वी इतर राज्यांमध्ये अडकलेल्या परप्रांतीय कामगारांना बाहेर काढण्यासाठी रेल्वे विभागाने विशेष रेल्वे गाड्या चालवत आहे. व्हिडीओ कॉन्फरन्सिंगमध्ये बोलत असताना गडकरी यांनी या लढाईत आपण सर्वांनी एकत्र येऊन लढल्यास नक्की यशस्वी होऊ असा आत्मविश्वास व्यक्त केला. सध्या लॉकडाउन काळात सर्व राज्यांच्या सीमा बंद असून फक्त सर्व वाहतूक व्यवस्था बंद करण्यात आली आहे. सर्व राज्य इतर राज्यात अडकलेल्या आपल्या नागरिकांना घरी आणण्यासाठी विशेष बस गाड्या चालवत आहे.

सार्वजनिक वाहतूक व्यवस्था सुरु केल्यास करोनाचा प्रादुर्भाव वाढण्याची शक्यता आहे. दरम्यान, पंजाब सरकारनं ८० ट्रॅव्हल्सच्या मदतीनं ४ हजार नागरिकांना परत राज्यात नेले. त्याठिकाणी या यात्रेकरूंची तपासणी करण्यात आली. त्यात तब्बल ७९५ जणांचे अहवाल करोना पॉझिटिव्ह आले आहेत. २८ एप्रिल रोजी पंजाबमधील करोनाग्रस्त रुग्णांची संख्या ५१० पर्यंत होती. मात्र, अचानक आठशे रुग्ण वाढल्यानं पंजाबमधील रुग्णांची १२३२ वर पोहोचली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 6, 2020 6:40 pm

Web Title: public transport may open soon with some guidelines says nitin gadkari psd 91
Next Stories
1 धक्कादायक! पॉर्न पाहणाऱ्या भारतीयांचे प्रमाण ९५ टक्क्यांनी वाढले
2 “जेव्हा जेव्हा कच्च्या तेलाच्या किंमती कमी झाल्या तेव्हा भाजपाचे स्वत:च्या सुटकेस भरल्या”
3 देश करोनाच्या संकटात असताना पेट्रोल डिझेलवरचे उत्पादन शुल्क वाढवणे चुकीचे-राहुल गांधी
Just Now!
X