मुघल दरबारातील पदार्थ बनविणाऱ्या 'रेड फोर्ट' या दक्षिण आशियाई उपाहारगृहाने इंग्लडमधील या वर्षांतील 'सर्वश्रेष्ठ उपाहारगृहाचा’ पुरस्कार पटकावला आहे. ‘एशियन व्हॉईस’ या साप्ताहिकाने ब्रिटनच्या हाऊस ऑफ कॉमन्सच्या आवारात राजकीय आणि सार्वजनिक जीवनातील यशस्वींना पुरस्कार देण्याचा कार्यक्रम आयोजित केला होता. अमीन अली यांनी स्थापन केलेल्या उपहारगृहाला यावेळी सभागृहाचे उपाध्यक्ष इलेनॉर लाइंग यांच्या हस्ते खासदार कीथ वाझ व इतर खासदारांच्या उपस्थित हा पुरस्कार देऊन संन्मानीत करण्यात आले आहे.
