22 October 2020

News Flash

‘मित्रो, असा चौकीदार बदलायला हवा की नाही’

पकौडा लोन लेकर, थपौडा मार मोदी विदेश भागम भाग

चारा घोटाळ्याप्रकरणी शिक्षा भोगत असलेले राष्ट्रीय जनता दलाचे (आरजेडी) अध्यक्ष आणि बिहारचे माजी मुख्यमंत्री लालूप्रसाद यादव यांनी लोकसभा निवडणुकीपूर्वी पंतप्रधान नरेंद्र मोदी आणि भाजपावर हल्लाबोल केला आहे.

पंजाब नॅशनल बँक (पीएनबी) घोटाळ्याप्रकरणी केंद्रातील मोदी सरकारवर चारही बाजूने हल्लाबोल होताना दिसत आहे. नीरव मोदी-पीएनबीप्रकरणी विरोधी पक्षांकडून आरोप-प्रत्यारोपांच्या फैरी झडताना दिसत आहेत. यात आता लालूप्रसाद यादव यांनीही उडी घेतली आहे. चारा घोटाळ्याप्रकरणी तुरूंगात शिक्षा भोगत असलेले राष्ट्रीय जनता दलाचे (राजद) सर्वेसर्वा लालूप्रसाद यांनी मंगळवारी पीएनबीप्रश्नी पंतप्रधान नरेंद्र मोदींवरच थेट निशाणा साधला. पंतप्रधान मोदींच्याच भाषणाच्या अंदाजात त्यांनी कोणाचे नाव न घेता केंद्र सरकार आणि नरेंद्र मोदी यांना याप्रकरणी आरोपी ठरवत एक ट्विट केले आहे. बंधू आणि भगिनीनों, जर आपल्या घराचा चौकीदार लुटारूंच्या मदतीने आपल्याच घरी चोरी करत असेल तर त्याला बदलले पाहिजे की नाही ? सांगा त्याला बदलायला हवे की नाही ? सांगा मित्रों, असे ट्विट करत मोदींना टोला लगावला.

लालूंनी यापूर्वी सोमवारीही पीएनबी घोटाळा आणि पकोडे विकण्याच्या सल्ल्यावरून मोदींवर टीकास्त्र सोडले होते. पकौडा लोन लेकर, थपौडा मार मोदी विदेश भागम भाग, असे ट्विट केले होते.

सध्या लालूंचा रांचीतील एका तुरूंगात मुक्काम आहे. तुरूंगात जाण्यापूर्वी त्यांनी आपल्या समर्थक आणि बिहारमधील लोकांना यापुढेही ट्विटवर संदेश देत राहणार असल्याचे सांगितले होते. त्यांनी आपले ट्विटर खाते कार्यालय आणि कुटुंबातील लोक चालवणार असल्याचे म्हटले होते. मला जे काही सांगायचे आहे, ते या माध्यमातून सांगेन असे त्यांनी म्हटले होते. तुरूंगात गेल्यापासून लालू ट्विटरच्या माध्यमातूनच आपल्या विरोधकांना लक्ष्य करत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2018 10:21 am

Web Title: rjd chief lalu prasad yadav criticize on pm narendra modi on nirav modi pnb scam
Next Stories
1 पीएनबी घोटाळ्याप्रकरणी जनरल मॅनेजर राजेश जिंदालला अटक
2 कृष्णा लाल कोहली ठरल्या पाकिस्तानातील निवडणूक लढवणाऱ्या पहिल्या दलित महिला
3 मुख्य सचिव मारहाण प्रकरण: आपच्या आमदाराला रात्री उशिरा अटक
Just Now!
X