News Flash

झाकीर नाईकची हत्या करणाऱ्या ५० लाखांचे बक्षिस, साध्वी प्राची यांचे प्रक्षोभक आवाहन

साध्वी प्राची यांनी मुस्लिम धर्मोपदेशक झाकीर नाईक यांचे मुंडके उडवणाऱ्याला ५० लाखांचे बक्षिस देण्याचे जाहीर केले आहे.

हिंदुत्त्ववादी नेत्या साध्वी प्राची यांनी मुस्लिम धर्मोपदेशक झाकीर नाईक यांचे मुंडके उडवणाऱ्याला ५० लाखांचे बक्षिस देण्याचे जाहीर केले आहे. उत्तराखंडमधील रुकडी येथे एका पत्रकराशी बोलताना त्यांनी हे जाहीर केले.
‘झाकीर नाईक हे इस्लामचे प्रचारक नसून ते दहशतवादी आहेत, असा आरोप त्यांनी केला आहे. म्हणूनच त्यांचे मुंडके उडवायला हवे आणि हे काम करणा-याला मी ५० लाखांचे बक्षिस देण्याचे ठरवले आहे, असे स्पष्टीकरणही साध्वी प्राची यांनी ‘द इंडियन एक्सप्रेस’ला दिले आहे.
तसेच, हे बक्षिस मी स्वत:हून जाहीर करते आहे, विश्व हिंदू परिषदेचा याच्याशी काहीही संबध नाही, असेही त्यांनी स्पष्ट केले. साध्वी प्राची विश्व हिंदू परिषदेच्या माजी नेत्या होत्या. आपल्या वादग्रस्त वक्तव्यामुळे साध्वी प्राची देखील अनेकदा चर्चेत आल्यात. आता त्यांनी आपला मोर्चा थेट झाकीर नाईक यांच्याकडे वळवला आहे.
गेल्या काही दिवसांपासून झाकीर नाईक हे देखील वादाच्या भोवऱ्यात आहेत. आपल्या प्रक्षोभक भाषणांमुळे झाकीर नाईक भारतीय गुप्तचर यंत्रणेच्या रडारवर आहेत. साध्वी प्राची यांनी उघडपणे झाकीर नाईक यांची हत्या करावी, असे आवाहन केले आहे खरे पण या आवाहनामुळे त्या पुन्हा एकदा नव्या वादात अडकल्या जाऊ शकतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 11:33 am

Web Title: sadhvi prachi announced a reward of rs 50 lakh for zakir naiks death
Next Stories
1 सुदानमध्ये अडकलेल्या भारतीयांसाठी ‘ऑपरेशन संकटमोचन’
2 मद्रास आयआयटीत दोन महिलांची आत्महत्या
3 ब्रिटनच्या पंतप्रधानपदी थेरेसा मे
Just Now!
X