२१ वर्षांच्या आयआयटीच्या विद्यार्थ्याने गळफास लावून घेत आत्महत्या केली. खोलीत असलेल्या पंख्याला दोरी बांधून या विद्यार्थ्याने गळफास घेतला. अभिजित सिंग बन्सिया असे या विद्यार्थ्याचे नाव आहे. देहरादूनच्या आयआयटी रुरकी येथील ही घटना आहे. त्याच्या खोली पोलिसांना सुसाइट नोट आढळलेली नाही. या विद्यार्थ्याने नैराश्य आल्याने आत्महत्या केली असावी असा प्राथमिक अंदाज पोलिसांनी वर्तवला आहे. अभिजित सिंग हा महाविद्यालयातील विद्यार्थ्यांसोबत फारसा बोलत नसे, फारसा मिसळत नसे अशी माहिती त्याच्या महाविद्यालायातील मुलांनी पोलिसांना दिली. साधना त्यागी यांनी इंडियन एक्स्प्रेसशी बोलताना ही माहिती दिली. आयआयटी रुरकी मध्ये दरवर्षी अशा एक किंवा दोन घटना उघडकीस येतात असेही त्यागी यांनी म्हटले आहे. या विद्यार्थ्याचे कुटुंबीय आयआयटीमध्ये पोहचले आहे. या कुटुंबाकडे अभिजितचे पार्थिव सोपवले जाणार आहे. अभिजित बन्सिया हा विद्यार्थी मूळचा गुजरात येथील राहणारा होता असेही पोलिसांनी स्पष्ट केले आहे.
