04 June 2020

News Flash

‘तेजस’ला उशीर, प्रवाशांना पहिल्यांदाच मिळणार ‘इतकी’ भरपाई

एखाद्या ट्रेनला उशीर झाल्यामुळे प्रवाशांना भरपाई देण्याची ही देशातील पहिलीच वेळ

(संग्रहित छायाचित्र)

देशातील पहिली खासगी ट्रेन ‘तेजस एक्स्प्रेस’ला उशीर झाल्यामुळे प्रवाशांना भरपाई दिली जाणार आहे. एखाद्या ट्रेनला उशीर झाल्यामुळे प्रवाशांना भरपाई देण्याची ही देशातील पहिलीच वेळ आहे. आयआरसीटीसीकडून प्रवाशांना ही भरपाई दिली जाणार आहे.

शनिवारी लखनऊ- नवी दिल्ली ‘तेजस एक्स्प्रेस’ला दोन्ही बाजूंनी उशीर झाला. यावेळी लखनऊ येथून दिल्लीला जाणारे ४५१ प्रवासी होते. तर दिल्लीहून लखनऊला जाणाऱ्या तेजस एक्स्प्रेसमधून ५०० प्रवासी प्रवास करत होते. ‘तेजस’ची नवी दिल्ली स्थानकावर पोहोचण्याची वेळ दुपारी 12 वाजून 25 मिनिट आहे. पण ही गाडी दुपारी 3 वाजून 40 मिनिटांनी पोहोचली. जवळपास तीन तासांचा उशीर ट्रेनला झाला. यानंतर रात्रीही ही ट्रेन लखनऊला रात्री १० वाजून पाच मिनिटांऐवजी 11 वाजून 40 मिनिटांनी पोहोचली. आता प्रवाशांना ट्रेनला उशीर झाल्यामुळे भरपाई म्हणून 250 रुपये मिळणार आहेत. आयआरसीटीसीच्या एका अधिकाऱ्याने दिलेल्या माहितीनुसार, भरपाईसाठी सर्व प्रवाशांच्या मोबाईल क्रमांकावर एक लिंक पाठवली आहे. या लिंकवर क्लिक करून प्रवासी भरपाईची मागणी करू शकतात.

काय आहे नियम –

आयआरसीटीसीनुसार, तेजस एक्स्प्रेसला एक तासांहून थोडाफार उशीर झाल्यास प्रवाशांना 100 रुपये भरपाई आणि दोन तासांहून अधिक उशीर झाल्यास 250 रुपये भरपाई मिळेल. देशात पहिल्यांदाच  एखाद्या ट्रेनला उशीर झाल्याने प्रवाशांना भरपाई मिळणार आहे. लखनऊ जंक्शन येथे कृषक एक्स्प्रेसचे दोन डबे रुळावरून घसरल्याचा फटका तेजस एक्स्प्रेसला बसला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 20, 2019 9:46 am

Web Title: tejas express runs late in a first railways to pay compensation sas 89
Next Stories
1 डोक्यात कार्डबोर्ड बॉक्स घालून विद्यार्थ्यांनी दिली परीक्षा
2 मुलीच्या दिरासोबत लग्न करण्यासाठी दिला नवऱ्याला घटस्फोट
3 मानवाची उत्क्रांती कशी झाली? स्मृती इराणी यांनी केला Video शेअर
Just Now!
X