जम्मूमध्ये हिंसाचार करणारे चार अतिरेकी गुरुवारी सकाळी सीमेपलीकडून भारतात आल्याचे केंद्रीय गृहमंत्री सुशीलकुमार शिंदे यांनी सांगितल़े. प्राथमिक अहवालातून प्राप्त झालेल्या माहितीनुसार, घुसखोर अतिरेक्यांनी पहाटे भारतात प्रवेश करून आधी जम्मूतील पोलीस ठाण्यावर आणि नंतर लष्करी तळावर जोरदार हल्ला चढविला, असेही शिंदे यांनी सांगितल़े.केंद्रीय गृह सचिव अनिल गोस्वामी यांनी दिलेल्या माहितीनुसार, अतिरेकी आणि सुरक्षा यंत्रणांतील चकमक सायंकाळी उशिरापर्यंत सुरू होती़. या तीन ते चार अतिरेक्यांनी लष्कराचा वेष परिधान केला होता़. त्यांनी केलेल्या हल्ल्यात आठ जण ठार झाले आहेत़. त्यात एका लेफ्टनन्ट कर्नलचाही समावेश आह़े.
