‘गुजरात निवडणुकीत १५० जागांचा दावा करणाऱ्या मोदी-शहांचा अहंकार उद्ध्वस्त’

They were claiming they'll win 150 seats but that pride has been crushed, same will happen in 2019, it is a victory for our movement.In coming days, will intensify our movement in Assembly & on streets, will also corner them in 2019: Jignesh Mewani, who won from #Gujarat's Vadgam pic.twitter.com/DfJ3uCxCaM

— ANI (@ANI) December 20, 2017

गुजरात निवडणुकीच्या प्रचारादरम्यान विविध राजकीय नेत्यांकडून एकमेकांवर आरोप-प्रत्यारोप होत होते. मात्र, आता निवडणुकीनंतरही ही मालिका कायम आहे. गुजरातमधील उना येथे दलितांवर झालेल्या अत्याचारानंतर तीव्र आंदोलनातून जिग्नेश मेवानी हा तरुण दलित नेता उदयास आला. एका मुलाखतीदरम्यान जिग्नेश यांनी मोदी-शहा यांच्यावर कडाडून टीका केली.

गुजरात निवडणुकीत १५० जागा मिळतील असा दावा करणाऱ्या मोदी-शहा यांचा अहंकार मोडून निघाला असून मोदींनी आता राजकारणातून सन्यास घ्यावा असा घणाघात मेवानी यांनी केला. मोदींवर टीका केल्याबद्दल राहुल गांधींनी जरी आपल्याला माफी मागायला सांगितली तरी आपण माफी मागणार नाही, असेही त्यांने म्हटले.
मेवानी पुढे म्हणाले, ‘२०१९ च्या लोकसभा निवडणुकीसाठी आम्ही पूर्णपणे तयार आहोत. पंतप्रधान नरेंद्र मोदी आता म्हातारे झाले आहेत. ते लोकांना आपले जुने कंटाळवाणे भाषण सतत ऐकवत आहेत. त्यांनी राजकारणातून आता ब्रेक घ्यायला हवा, निवृत्त व्हायला हवे. मोदींनी हिमालयात जाऊन ध्यान करावे,’ असा वादग्रस्त सल्लाही मेवानी यांनी दिला आहे.

मेवानी म्हणाले, गुजरातचा निकाल हा आमच्या आंदोलनाचा विजय आहे. यापुढे आम्ही विधानसभा आणि रस्त्यावर आमच्या आंदोलनावर आणखी जोर देणार आहोत तसेच २०१९मध्ये भाजपची सत्तेतून हटवणार आहोत. देशाला आता आमच्यासारख्या दलित, आंदोलनातून निघालेल्या तरुणांची गरज आहे. देशाला तोडणारे राजकारण आता लोकांच्या लक्षात यायला लागले आहे.