03 June 2020

News Flash

परिचारिकांशी गैरव्यवहार करणाऱ्या तबलिगींविरोधात राष्ट्रीय सुरक्षा कायद्यांतर्गत कारवाई : योगी आदित्यनाथ

असे गैरव्यवहार खपवून घेतले जाणार नसल्याचंही त्यांनी स्पष्ट केलं.

(संग्रहित छायाचित्र)

उत्तर प्रदेशमधील गाझीयाबाद येथे असलेल्या करोनाच्या काही संशयित तबलिगींनी वैद्यकीय कर्मचाऱ्यांसोबत गैरवर्तन आणि अश्लील कृत्य केल्याची माहिती समोर आली होती. त्यानंतर त्यांच्यावर कारवाई करण्याची मागणी वैद्यकीय कर्मचाऱ्यांकडून करण्यात आली होती. या घटनेची गंभीर दखल घेत यामध्ये सामिल असलेल्या तबलिगींविरोधात राष्ट्रीय सुरक्षा कायद्यांतर्गत कारवाई करण्यात येणार असल्याची माहिती उत्तर प्रदेशचे मुख्यमंत्री योगी आदित्यनाथ यांनी दिली.

“हे ना कायद्याला मानतील, ना प्रशासनाला मानतील. हे सर्व मानवतेचे शत्रू आहेत. त्यांनी महिला आरोग्य कर्मचाऱ्यांसोबत जे वर्तन केलं तो एक गंभीर गुन्हा आहे. त्यांच्यावर राष्ट्रीय सुरक्षा कायद्यांतर्गत कारवाई करण्यात येईल. आम्ही त्यांना सोडणार नाही,” असा कठोर इशारा योगी आदित्यनाथ यांनी दिला आहे. “आपण करोनाविरोधातही खंबीरपणे लढून ही लढाई जिंकू. आपल्या लोकांना सुरक्षित ठेवण्यासाठी आपल्या पुढे येणाऱ्या सर्व आव्हानांसाठी तयार राहिलं पाहिजे. लॅब आणि पायाभूत सुविधाही योग्यरित्या सुरू ठेवल्या पाहिजेत,” असंही त्यांनी नमूद केलं.

काय आहे प्रकरण?
रुग्णालयात दाखल करण्यात आलेल्या करोना संशयित तबलिगी गैरवर्तन करत असल्याची माहिती रूग्णलालयाचे सीएमएलएस रविंद्र राणा यांनी दिली होती. ते सतत या ठिकाणी अश्लील कृत्य करत आहेत. तसंच रूग्णालयाच्या कर्मचाऱ्यांसोबत गैरवर्तनही करत आहेत. छोट्या छोट्या गोष्टींवरून ते मोठा गोंधळ घालतात. इतकंच काय तर उपचारासाठी आलेल्या परिचारिंकासमोरही कपडे बदलण्यासारखे प्रकार करत आहेत, असंही त्यांनी म्हटलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 3, 2020 3:32 pm

Web Title: uttar pradesh cm yogi adityanath said will take action against tablighi under nsa ghaziabad jud 87
Next Stories
1 आम्ही दिवे नक्की पेटवू पण मोदींनी अर्थतज्ज्ञांचं ऐकावं! चिदंबरम यांचा टोला
2 कोणी ‘करोना’ घ्या कोणी ‘कोविड’ घ्या; लॉकडाउनदरम्यान जन्माला आलेल्या जुळ्यांचं अनोखं बारसं
3 धोक्याचा इशारा : देशाचा विकासदर येईल ४ टक्क्यांवर
Just Now!
X