दिल्लीच्या अलीपूर भागात पोलिसाने एका महिलेवर गोळी झाडून तिला रस्त्यात फेकून दिलं. दिल्लीतील एका पोलीस उप निरीक्षकाने महिलेवर गोळी झाडली, तर दुसऱ्या पोलीस उप निरीक्षकाने जखमी महिलेला रुग्णालयात पोहोचवले. आयएएनएसने दिलेल्या वृत्तानुसार, महिलेची प्रकृती आता स्थिर आहे. पोलीस उपनिरीक्षक संदीप दाहिया यांनी आपल्यावर गोळी झाडली असे जखमी महिलेने सांगितले. दाहिया हे लाहोर गेट येथील पोलीस ठाण्यात तैनात आहेत. रिपोर्टनुसार, दाहिया यांच्या वैवाहिक आयुष्यात वाद सुरु होता. ते पत्नीपासून विभक्त होण्याची कायदेशीर प्रक्रिया सुरु आहे. जखमी महिला आणि आरोपी दोघेही परस्परांना ओळखतात. वर्षभरापासून त्यांच्यामध्ये प्रेमसंबंध होते असे सूत्रांनी सांगितले. संदीप दाहिया यांच्याविरोधात गुन्हा नोंदवण्यात आला आहे. पुढील तपास सुरु आहे.
