देशभरातल्या करोनाग्रस्तांची संख्या २१ हजार ७०० च्या वर, २४ तासात ३४ मृत्यू - Marathi News | 1229 New Covid19 Cases 34 Deaths Reported In The Last 24 Hours Total Number Of Cases Rises To 21700 In India Says Union Health Ministry

आत्तापर्यंत करोनाची लागण झाल्याने ६८६ जणांचा मृत्यू झाला आहे

प्रतिकात्मक छायाचित्र

गेल्या २४ तासात १२२९ नवे करोना पॉझिटिव्ह रुग्ण देशभरात आढळले आहेत. तर ३४ जणांचा मृत्यू झाला आहे. त्यामुळे देशातील करोनाग्रस्तांची संख्या २१ हजार ७०० झाली आहे. आत्तापर्यंत ४ हजार ३२५ रुग्णांना डिस्चार्ज देण्यात आला आहे. तर करोनाची लागण झाल्याने आत्तापर्यंत ६८६ जणांचा मृत्यू देशभरात झाला आहे. केंद्रीय आरोग्य मंत्रालयाने ही माहिती दिली आहे.

1229 new #COVID19 cases & 34 deaths reported in the last 24 hours. Total number of cases rises to 21700, including 16689 active cases, 4325 cured & 686 deaths: Union Health Ministry pic.twitter.com/FgSsd5Fuco
— ANI (@ANI) April 23, 2020

२१ हजार ७०० रुग्णांपैकी आत्तापर्यंत ४ हजार ३२५ रुग्णांना डिस्चार्ज देण्यात आला आहे. करोनाचा प्रादुर्भाव टाळण्यासाठी देशभरात लॉकडाउन जाहीर करण्यात आला आहे. ३ मेपर्यंत हा लॉकडाउन असणारच आहे. २७ एप्रिलला सर्व राज्यांच्या मुख्यमंत्र्यांशी पंतप्रधान नरेंद्र मोदी हे संवाद साधणार आहेत. त्यानंतर लॉकडाउन वाढवायचा की नेमकं काय करायचं याचं धोरण ठरवलं जाण्याची शक्यता आहे.

देशभरात करोनाचे रुग्ण वाढू नयेत यासाठी उपाय योजना केल्या जात आहेत. रुग्ण आढळताच तो भाग सील करण्यात येतो. देशभरात सर्वधिक रुग्णसंख्या महाराष्ट्रात आहे. महाराष्ट्रातही आरोग्याच्या दृष्टीने सर्वतोपरी उपाय योजना केल्या जात आहेत.

First published on: 23-04-2020 at 19:00 IST

TOPICSकरोना विषाणू Coronavirus

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 1229 new covid19 cases 34 deaths reported in the last 24 hours total number of cases rises to 21700 in india says union health ministry