भाजपा कार्यकर्त्यांना घेऊन जाणाऱ्या बसची ट्रकला धडक, ३९ जण जखमी

खरगोन जिल्ह्यातील कासारवाडजवळ रात्री उशिरा हा अपघात झाला. जखमींना उपचारासाठी जिल्हा रुग्णालयात हलवण्यात आलं आहे. या बसमधून खापरजामली, रुपगढ आणि राय सागर येथील भाजपा कार्यकर्ते प्रवास करत होते.

हेही वाचा- “अर्थखातं कधीपर्यंत टिकेल, माहीत नाही”, अजित पवारांच्या विधानावर बावनकुळेंची प्रतिक्रिया; म्हणाले, “भविष्यात…”

खरं तर, जनसंघाचे सहसंस्थापक दीनदयाळ उपाध्याय यांच्या जयंतीनिमित्त भोपाळमध्ये ‘कार्यकर्ता महाकुंभ’ कार्यक्रमाचं आयोजन करण्यात आलं आहे. या कार्यक्रमाला पंतप्रधान नरेंद्र मोदी संबोधित करणार आहेत. त्यामुळे राज्यभरातून भाजपा कार्यकर्ते या कार्यक्रमासाठी रवाना झाले आहेत. दरम्यान, रविवारी रात्री उशिरा भाजपा कार्यकर्त्यांना घेऊन जाणाऱ्या बसला अपघात झाला.