पश्चिम बंगाल: दोन महिलांना विवस्त्र करत मारहाण; VIDEO व्हायरल झाल्यानंतर पाच जणांना अटक

नेमकं प्रकरण काय आहे?

‘इंडियन एक्स्प्रेस’नं दिलेल्या वृत्तानुसार, ही घटना १९ जुलै रोजी मालदा जिल्ह्यातील बामनगोला येथील आठवडी बाजारात घडली. मालदा जिल्ह्यातील माणिकचक परिसरातील पाच आदिवासी महिला आपली स्थानिक उत्पादनं विकण्यासाठी आठवडी बाजारात आल्या होत्या. यावेळी त्यांना इतर महिलांनी चोरी करताना पकडलं. यातील तीन महिला पळून जाण्यात यशस्वी झाल्या पण दोन महिलांना इतर महिलांनी बाजारपेठेत पकडून मारहाण केल्याचा आरोप आहे.

हेही वाचा- “आधी भावाची हत्या केली मग बहिणीला नग्न करत धिंड काढली”, मणिपूरमध्ये त्यादिवशी नेमकं काय घडलं?

या घटनेच्या व्हिडीओ फुटेजमध्ये महिलांचा एक गट दोन महिलांना चपलनं मारहाण करताना आणि त्यांचे कपडे फाडताना दिसत आहे. आरोपी महिलांनी पीडित महिलांच्या अंगावरील सर्व कपडे फाडत त्यांना मारहाण केली आहे. या घटनेचा व्हिडीओ व्हायरल झाल्यानंतर राजकीय नेत्यांकडून प्रतिक्रिया दिल्या जात आहेत.