बगदाद येथील शियाबहुल भागांमध्ये आत्मघातकी हल्लेखोरांकडून स्फोटांचे सत्र सुरूच आहे. रविवारी करण्यात आलेल्या विविध कारस्फोटांमध्ये किमान ६२ जण ठार झाले. तसेच इराकच्या उत्तरेकडे असणाऱ्या शहरात एका आत्मघातकी हल्लेखोराने जवानांवर हल्ला केला. एप्रिल महिन्यापासून इराकला आत्मघातकी हल्ल्यांच्या घटनांनी ग्रासले आहे. अशा हल्ल्यांच्या विविध घटनांमध्ये आजवर पाच हजारांहून अधिक जणांचा जीव गेला आहे.
