नवजोडप्याला लग्नाचा आहेर देताना मित्राचा करुण अंत; व्हायरल VIDEO मुळे खळबळ!

आंध्र प्रदेशच्या कुर्नूल जिल्ह्यात एका विवाह सोहळ्यात हा धक्कादायक प्रकार घडला. मित्राला भेटवस्तू देत असातना एका तरुणाला अचानक हृदयविकारामुळे मृत्यू झाला.

आंध्र प्रदेशमधील धक्कादायक घटना (फोटो - @ViralConte97098/X)

आयुष्य अत्यंत क्षणभंगूर असतं. आपला मृत्यू कधी दारात येऊन उभा राहिल याची काहीही शाश्वती नसते. असाच एक प्रकार आंध्र प्रदेश येथे घडला आहे. मित्राच्या लग्ना नववराला आहेर देतानाच एका तरुणाचा तोल गेला आणि त्याचा जागीच मृत्यू झाला. यासंदर्भातील वृत्त इंडिया टुडेने दिले असून व्हिडिओही सोशल मीडियावर व्हायरल होत आहे.

आंध्र प्रदेशच्या कुर्नूल जिल्ह्यात एका विवाह सोहळ्यात हा धक्कादायक प्रकार घडला. मित्राला भेटवस्तू देत असातना एका तरुणाला अचानक हृदयविकारामुळे मृत्यू झाला. या घटनेच्या व्हिडिओमध्ये बेंगळुरूमधील ॲमेझॉनमध्ये कार्यरत असलेला कर्मचारी वामसी नवदाम्प्त्याला स्टेजवर शुभेच्छा देताना आणि त्यांना भेटवस्तू देताना दिसत आहे. वामसी त्याच्या मित्राच्या लग्नासाठी बेंगळुरूहून कुर्नूलमधील पेनुमुडा गावात गेला होता.

आंध्र प्रदेशमधील धक्कादायक घटना pic.twitter.com/yDEOJehADw
— Viral Content (@ViralConte97098) November 22, 2024

हेही वाचा >> तरुण वयात हृदयविकाराचा झटका येण्याचे प्रमाण का वाढतेय? याचा अपचनाशी काही संबंध आहे का?

वराने भेटवस्तूचे रॅपर उघडण्यास सुरुवात केली असता वामसीचा तोल सुटू लागला आणि त्याच्या शेजारी उभ्या असलेल्या लोकांनी त्याला पकडले, असे व्हिडिओमध्ये दिसत आहे. वामसीला तातडीने ढोणे शहरातील शासकीय रुग्णालयात नेले असता डॉक्टरांनी त्याला मृत घोषित केले.

Viral Video : नवजोडप्याला लग्नाचा आहेर देताना मित्राचा करुण अंत; व्हायरल VIDEO मुळे खळबळ!