पाकिस्तान, बांगलादेशच्या अधिकाऱ्यांकडून शोक

पाकिस्तान हवाई दलाचे प्रमुख एअर चीफ मार्शल अहमद बाबर सिद्धू यांनी जनरल रावत यांच्या मृत्यूबद्दल शोक व्यक्त केला असल्याचे हवाई दलाच्या निवेदनात नमूद करण्यात आले आहे.

इस्लामाबाद : पाकिस्तानच्या उच्चपदस्थ लष्करी अधिकाऱ्यांसह बांगलादेशच्या अधिकाऱ्यांनी जनरल रावत यांच्या दुर्दैवी मृत्यूबद्दल दु:ख व्यक्त केले आहे.

पाकिस्तानचे चेअरमन ऑफ जॉइंट चीफ्स ऑफ स्टाफ कमिटी (सीजीसीएससी) जनरल नदीम रझा आणि लष्करप्रमुख जनरल कमर जावेद बाजवा यांनी जनरल रावत यांच्या मृत्यूबाबत शोकसंवेदना व्यक्त केल्या असल्याचे पाकिस्तानी लष्कराच्या प्रवक्त्याने ट्विटरवर प्रसिद्ध केलेल्या एका लघु निवेदनात म्हटले आहे.

पाकिस्तान हवाई दलाचे प्रमुख एअर चीफ मार्शल अहमद बाबर सिद्धू यांनी जनरल रावत यांच्या मृत्यूबद्दल शोक व्यक्त केला असल्याचे हवाई दलाच्या निवेदनात नमूद करण्यात आले आहे.

जनरल रावत यांच्या दुर्दैवी मृत्यूचे वृत्त कळल्यामुळे आम्हाला धक्का बसला, असे बांगलादेशच्या परराष्ट्र व्यवहार मंत्रालयाने ढाका येथे सांगितले. बांगलादेशाने आपला मोठा मित्र गमावला आहे. भारतीय लोक व शोकाकुल कुटुंबीयांच्या दु:खात आम्ही सहभागी आहोत, असेही मंत्रालयाने ट्विटमध्ये म्हटले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Condolences from the authorities of pakistan and bangladesh about the unfortunate death of general rawat akp