scorecardresearch

Premium

सुटका झालेल्या मजुरांपुढे संभ्रम

सिलक्यारा बोगद्यात अडकलेल्या ४१ मजुरांची सुमारे १७ दिवसांनंतर सुटका झाली आहे. मात्र, त्यांनी घरी परतावे अशी त्यांच्या कुटुंबीयांची इच्छा असल्याने कामासाठी थांबावे की घरी परत जावे असा संभ्रम त्यांच्यापुढे आहे.

Confusion before the freed laborers trapped in the Silkyara tunnel
(तपासणीनंतर आंध्र प्रदेशातील काही मजूर घरी परत गेले.)

पीटीआय, उत्तरकाशी

सिलक्यारा बोगद्यात अडकलेल्या ४१ मजुरांची सुमारे १७ दिवसांनंतर सुटका झाली आहे. मात्र, त्यांनी घरी परतावे अशी त्यांच्या कुटुंबीयांची इच्छा असल्याने कामासाठी थांबावे की घरी परत जावे असा संभ्रम त्यांच्यापुढे आहे. ‘घरी परत जाण्यासाठी मी रजेचा अर्ज भरला आहे. बांधकाम पुन्हा केव्हा सुरू होईल हे आम्हाला माहीत नाही’, असे बिहारमधील एका मशीन ऑपरेटरने सांगितले.

rajan vichare eknath shinde anand dighe birth anniversary shivsena thane
आनंद दिघे हेच गद्दारांना त्यांची जागा दाखवतील ठाकरे गटाचे खासदार राजन विचारे यांची शिंदे गटावर टीका
inspirational story kalpana-saroj
बाराव्या वर्षी लग्न, सासरच्यांकडून छळ; दोन रुपयांपासून कमाईला सुरुवात करणाऱ्या कल्पना सरोज ९०० कोटींच्या मालकीण बनल्या कशा?
nagpur mahavitaran marathi news, 2 outsourced employees beaten up marathi news
ऊर्जामंत्र्यांच्या शहरात महावितरणच्या दोन बाह्यस्त्रोत कर्मचाऱ्यांची एकाला मारहाण…
Importation of semen of high pedigree Gir bulls from Brazil Pune news
देशात पहिल्यांदाच वीर्यकांड्यांची आयात, एनडीडीबीचा पुढाकार; गीर जातीच्या उच्च वंशावळीची होणार पैदास

 खोदकामाची नोकरी सोडून द्यावी अशी माझ्या आईची इच्छा असल्याचे दुसऱ्या मजुराने सांगितले. ‘आम्ही अशा परिस्थितीत काम करतो. हे धोकादायक आहे’, असे तो म्हणाला.एका सरकारी अधिकाऱ्याने दिलेल्या माहितीनुसार, बोगद्याचे सुरक्षा अंकेक्षण पूर्ण झाल्यानंतरच बांधकाम पुन्हा सुरू होऊ शकेल. मजुरांची सुटका करण्यासाठी पर्वताच्या वरील बाजूने सुमारे ४५ मीटपर्यंत खोदकाम करण्यात आले आणि त्याचा ढिगारा अद्याप बोगद्यात पडून आहे, असे तो म्हणाला. ‘आम्हाला येथेच थांबायचे आहे की घरी परत जायचे आहे हे आम्हाला ठाऊक नाही’, असे गेल्या दोन वर्षांपासून सिलक्यारा बोगद्याच्या कामावर असलेल्या ओडिशातील एका मजुराने सांगितले.

मजुरांना घरी जाण्याची परवानगी

सिलक्यारा बोगद्यातून सुटका करण्यात आलेले सर्व ४१ मजूर घरी परतण्यासाठी सक्षम असल्याचे ऋषीकेश येथील अ.भा. आयुर्विज्ञान संस्थेने (एम्स) गुरुवारी जाहीर केले. या मजुरांची संपूर्ण तपासणी करण्यात आली आणि त्यांची रक्त चाचणी, क्ष-किरण आणि ईसीजी अहवाल सामान्य आहेत, असे डॉ. रविकांत यांनी या मजुरांच्या प्रकृतीबाबत माध्यमांना माहिती देताना सांगितले. ‘हे लोक शारीरिकदृष्टय़ा सामान्य आणि वैद्यकीयदृष्टय़ा स्थिर आहेत. आम्ही त्यांना घरी परत जाण्याची परवानगी दिली आहे’, असे ते म्हणाले.  या मजुरांची दीर्घकाळ चाललेल्या मोहिमेनंतर मंगळवारी रात्री बोगद्यातून सुटका करण्यात आली होती.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Confusion before the freed laborers trapped in the silkyara tunnel amy

First published on: 01-12-2023 at 03:33 IST

संबंधित बातम्या

तुम्ही या बातम्या वाचल्या आहेत का? ×