Congress President Ashok Gehlot Delhi new names post President ysh 95 | Loksatta

राजस्थानचे मुख्यमंत्रीपद, काँग्रेस अध्यक्षपदाबाबत अनिश्चितता; अशोक गेहलोत दिल्लीत, अध्यक्षपदी नव्या नावांची चर्चा

काँग्रेसच्या अध्यक्षपदाची माळ कुणाच्या गळय़ात पडणार आणि अशोक गेहलोत पक्षाध्यक्ष झाल्यास राजस्थानचे मुख्यमंत्री कोण होणार हे गूढ अद्याप कामय आहे.

राजस्थानचे मुख्यमंत्रीपद, काँग्रेस अध्यक्षपदाबाबत अनिश्चितता; अशोक गेहलोत दिल्लीत, अध्यक्षपदी नव्या नावांची चर्चा
काँग्रेस अध्यक्षपदाबाबत अनिश्चितता

पीटीआय, नवी दिल्ली/जयपूर : काँग्रेसच्या अध्यक्षपदाची माळ कुणाच्या गळय़ात पडणार आणि अशोक गेहलोत पक्षाध्यक्ष झाल्यास राजस्थानचे मुख्यमंत्री कोण होणार हे गूढ अद्याप कामय आहे. गेहलोत दिल्लीत पक्षाध्यक्षा सोनिया गांधी यांची भेट घेण्याची शक्यता आहे. ते अध्यक्षपदासाठी अर्ज दाखल करणार की अन्य कुणाला पक्षश्रेष्ठींची पसंती मिळणार, याची उत्सुकता ताणला गेली आहे.

‘‘मुख्यमंत्री हे पक्षाच्या १०२ आमदारांचे पालक आहेत. या आमदारांच्या भावना ते दिल्लीला जाऊन पक्षनेतृत्वाच्या कानावर घालतील,’’ असे गेहलोतांचे समर्थक असलेले राजस्थानचे मंत्री प्रतापसिंह खचारियावास म्हणाले. गेहलोत अध्यक्षपद निवडणुकीसाठी अर्ज भरण्याबाबत  पक्षनेतृत्वाचा निर्णय घेईल, मात्र ते आताच मुख्यमंत्रीपदाचा राजीनामा देणार नसल्याचेही खचारियावास यांनी स्पष्ट केले. दरम्यान, दिल्लीला निघण्यापूर्वी गेहलोत यांनी सोनिया गांधींशी संपर्क साधल्याची माहिती सूत्रांनी दिली. समर्थक आमदारांनी आपल्या अपरोक्ष दुसरी बैठक बोलावली असून जयपूरच्या घटनांमध्ये आपला हात नसल्याचे त्यांनी सांगितले. तसेच पक्षनेतृत्व जो निर्णय घेईल, तो मान्य असेल असेही त्यांनी सांगितल्याचे समजते.

दुसरीकडे पक्षश्रेष्ठींनी अध्यक्षपदासाठी अन्य नावांचाही विचार सुरू केल्याची माहिती सूत्रांनी दिली. राज्यसभेतील विरोधी पक्षनेते मल्लिकार्जून खरगे यांच्यासह दिग्विजय सिंह, कमलनाथ, ए के अँटोनी, अंबिका सोनी, पवनकुमार बन्सल, प्रियंका गांधी ही नावेदेखील चर्चेत आली आहेत. ‘‘पक्ष सांगेल ती जबाबदारी पार पाडेन’’ असे सांगत खरगे यांनी स्वत: इच्छुक असल्याचे स्पष्ट केले. तर कमलनाथ यांनी मात्र मध्य प्रदेश विधानसभा निवडणुकीवर लक्ष केंद्रित करायचे असल्यामुळे पक्षाध्यक्ष होण्यात रस नसल्याचे जाहीर केले. राजस्थानातील पेच आणि पक्षाध्यक्ष निवडणुकीबाबत सोनिया गांधींनी देशभरातील ज्येष्ठ नेत्यांशी सल्लामसलत सुरू केली आहे.

गेहलोत यांचा पत्ता कट?

अशोक गेहलोत यांना पक्षाध्यक्ष होण्यासाठी काँग्रेस नेतृत्वाची सर्वाधिक पसंती होती. मात्र राजस्थानात घडलेल्या घटनांमुळे सोनिया गांधी आपला विचार बदलण्याची शक्यता असल्याची माहिती सूत्रांनी दिली. अद्याप गेहलोत यांचे नाव पूर्णपणे मागे पडले नसले, तरी पक्षाने अन्य नावांवर विचार सुरू केल्यामुळे त्यांचा पत्ता कापला जाऊ शकतो. अर्ज भरण्याची मुदत शुक्रवारी संपणार असल्यामुळे गुरूवारी काँग्रेसमध्ये मोठय़ा राजकीय घडामोडी घडू शकतात.

उमेदवारी अर्जाआधी थरूर यांची शायरी!

काँग्रेस अध्यक्षपदासाठी निवडणूक लढवण्यास इच्छुक असलेले पक्षाचे ज्येष्ठ नेते शशी थरूर यांनी आपला उमेदवारी अर्ज भरण्यापूर्वी ‘ट्विट’वर शेर प्रसृत केला. त्याद्वारे आपल्या उमेदवारीला पाठिंबा वाढत असल्याचा दावा त्यांनी अप्रत्यक्षरीत्या केला. त्यांनी प्रसिद्ध गीतकार व शायर मजरूह सुलतानपुरी यांचा प्रसिद्ध शेर ‘मैं अकेलाही चला था जानिब-ए-मंजलि, मगर लोग साथ आते गए और कारवां बनता गया।’ ही शायरी ट्वीट केली.  थरूर ३० सप्टेंबर रोजी सकाळी अकराला उमेदवारी अर्ज दाखल करणार आहेत. काँग्रेस अध्यक्षपद निवडणुकीच्या वेळापत्रकानुसार २२ सप्टेंबर रोजी अधिसूचना प्रसृत करण्यात आली असून, २४ सप्टेंबरपासून उमेदवारी अर्ज भरण्याची प्रक्रिया सुरू झाली असून, ती ३० सप्टेंबपर्यंत सुरू राहणार आहे. उमेदवारी अर्ज मागे घेण्याची शेवटची तारीख ८ ऑक्टोबर आहे. एकापेक्षा जास्त उमेदवार असल्यास १७ ऑक्टोबरला मतदान होईल आणि १९  ऑक्टोबरला निकाल जाहीर केला जाईल.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
लेफ्ट. जन. अनिल चौहान संरक्षण दलप्रमुख

संबंधित बातम्या

“मी तो पक्षी आहे, ज्याचे घरटे…”, NDTV चा राजीनामा दिल्यानंतर रवीश कुमार भावूक
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
Gujarat Election: काँग्रेस खासदार इम्रान प्रतापगढींच्या जाहीर सभेत गोंधळ, AIMIM वर टीका करताच…
“१०० तोंडांचे रावण” म्हणणाऱ्या मल्लिकार्जुन खरगेंना पंतप्रधान मोदींचे प्रत्युत्तर; म्हणाले, “काँग्रेसमध्ये स्पर्धा लागली की…”
Thackeray vs Shinde: ‘सेनेतच आहात तर…’, BMC निवडणूक, OBC आरक्षण, दीड लाख प्रतिज्ञापत्रे; ठाकरेंच्या युक्तिवादातील २० मुद्दे

व्हिडिओ

ताज्या बातम्या
रायगडमध्ये भात लागवडक्षेत्रात घट; तांदूळ उत्पादनात मात्र वाढ, प्रति हेक्टरी अडीच टन धान्य
शिक्षण सेवकांच्या मानधनात वाढ ; प्रस्ताव मंजुरीसाठी वित्त विभागाकडे
अशोक मल्होत्रा, जतिन परांजपे क्रिकेट सल्लागार समितीवर
महानगर क्षेत्रात लवकरच आपला दवाखाना ; मुख्यमंत्री एकनाथ शिंदे यांची ग्वाही
FIFA World Cup 2022: टय़ुनिशियाविरुद्ध अपात्र गोलबाबत फ्रान्स फुटबॉल महासंघाची तक्रार