काँग्रेसचा ‘हात’ सोडत खुशबू यांची भाजपाला साथ

दिल्लीत भाजपाच्या वरिष्ठ नेत्यांच्या उपस्थितीत केला प्रवेश

अभिनेत्री ते राजकीय नेत्या असा प्रवास करणाऱ्या तामिळनाडूतील काँग्रेस नेत्या खुशबू सुंदर यांनी भाजपामध्ये प्रवेश केला आहे. दिल्लीतील भाजपा मुख्यालयात पक्षाच्या वरिष्ठ नेत्यांच्या उपस्थितीत त्यांनी प्रवेश केला. सोमवारी खुशबू यांनी काँग्रेसच्या हंगामी अध्यक्षा सोनिया गांधी यांच्याकडे पदाचा राजीनामा सोपवला होता.

गेल्या कित्येक दिवसांपासून खुशबू सुंदर यांच्या भाजपा प्रवेशाविषयी चर्चा रंगल्या होत्या. मात्र, या चर्चा त्यांनी फेटाळून लावल्या होत्या. याचदरम्यान त्या रविवारी दिल्लीत गेल्या आणि त्यानंतर त्यांनी सोमवारी सोनिया गांधी यांच्याकडे राजीनामा सुपूर्द केला. विशेष म्हणजे या राजीनाम्यासोबत त्यांनी एक पत्रदेखील सोनिया गांधी यांना दिलं असून त्यात पक्षातील काही वरिष्ठांवर आरोप केले आहेत.


दरम्यान, २०१४ पासून त्यांचा काँग्रेसमध्ये सक्रीय सहभाग होता.मात्र, आता त्यांनी काँग्रेसची साथ सोडून भाजपामध्ये प्रवेश केला आहे. तसंच तामिळनाडूमध्ये २०२१ च्या विधानसभा निवडणुका येऊ घातल्या आहेत. त्याच पार्श्वभूमीवर तेथील राजकीय घडामोडींना वेग आल्याचं दिसून येत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Congress spokesperson khushboo sundar enter in bjp ssj

Next Story
खोबऱ्याच्या तेलाचा वापर टूथपेस्टमध्ये करणे शक्य
ताज्या बातम्या