समलिंगी विवाहाबाबत घटनापीठाची स्थापना, याचिकांवर मंगळवारपासून सुनावणी

  या याचिकांवरील सुनावणी १८ एप्रिलला सुरू होणार आहे. यापूर्वी १३ मार्चला झालेल्या सुनावणीत सरन्यायाधीश धनंजय चंद्रचूड, न्या. पी. एस. नरसिंह आणि न्या. जे. बी. पारदीवाला यांच्या त्रिसदस्यीय खंडपीठाने या याचिका सुनावणीसाठी घटनापीठाकडे पाठवल्या होत्या. स्वत:च्या मर्जीने विवाह करण्याचा अधिकार ‘एलजीबीटीक्यूआयए’ समूहाच्या नागरिकांनाही मिळायला पाहिजे, अशी मागणी या याचिकांमध्ये करण्यात आली आहे. केंद्र सरकारकडून या याचिकांना विरोध करण्यात आला आहे. जोडीदार म्हणून एकत्र राहणे आणि समलिंगी लोकांमध्ये लैंगिक संबंध असणे हे भारतीय कुटुंबव्यवस्थेशी जुळणारे नाही, असे केंद्राचे म्हणणे आहे.