CoronaVirus : “दुसऱ्या देशांकडून थोडं शिका’; ‘बर्थ डे गर्ल’ सायनाचा चाहत्यांना सल्ला

“स्मिथ धाडकन जमिनीवर कोसळला आणि…”; वॉर्नरने सांगितली आपबिती

“अत्यंत सावधनता बाळगा आणि घरातच राहा. पुढच्या दोन आठवड्याचा कालावधी हा भारतासाठी अत्यंत नाजूक आणि कसोटीचा असणार आहे. इतर देशांनी करोनाबाबत काय सावधनता बाळगली आणि कशाप्रकारे करोनाचा सामना केला ते नीट समजून घ्या आणि त्यानुसार स्वत:च्या परिसरात सावधनता बाळगा”, असा संदेश सायना नेहवालने दिला.

Let’s be cautious and stay at home . These next couple of weeks are an important phase for India . All of us need to learn from what the other countries have experienced and take the necessary precautions ASAP .#Coronaindia #CoronaPandemic https://t.co/NZmSFd7Y9Q

— Saina Nehwal (@NSaina) March 16, 2020

याआधी, रोहित शर्मा आणि विराट कोहली यांनी भारतीयांना खास संदेश दिला आहे. रोहितनेही चाहत्यांना स्वतःसह इतरांचीही काळजी घेण्याचे आवाहन केले आहे. सध्याचे दिवस सर्वांसाठी अत्यंत आव्हानात्मक आहेत. जगभरात करोना व्हायरसने धूमाकूळ घातला आहे. करोनावर मात करण्यासाठी सर्वांनी जागरूकपणे एकत्रित प्रयत्न करणं गरजेचं आहे. आपल्या आजुबाजुला काय चाललंय, यावर आपलं बारीक लक्ष पाहिजे. जर कोणाला या रोगाची लक्षणे दिसल्यास त्याने त्वरीत नजीकच्या रुग्णालयाला कळवलं पाहिजे, असा संदेश रोहितने व्हिडीओच्या माध्यमातून दिला.

तर, करोना आजाराचा धोका टाळण्यासाठी सरकारकडून विविध उपययाोजना करण्यात येत असून नागरिकांनी घाबरुन जाण्याचे कारण नाही. साऱ्यांनी खंबीर आणि कणखर राहा, असे आवाहन भारतीय क्रिकेट संघाचा कर्णधार विराट कोहलीनेही ट्विटरद्वारे केले होते. करोनाविरुद्ध लढा देऊ, असा संदेश कोहलीने दिला आहे.