आसाममध्ये एका अल्पवयीन मुलीने 'मी आत्महत्या करणार आहे' असं स्टेटस फेसबुकवर अपडेट केलं, या स्टेटसबाबत फेसबुकच्या अमेरिकेतील मुख्यालयाला माहिती मिळाली आणि त्यांनी तातडीने आसाम पोलिसांना याबाबत माहिती दिली. फेसबुककडून माहिती मिळताच पोलिसांनी त्या मुलीचं लोकेशन शोधलं आणि तिला ताब्यात घेतलं. Info was received from Facebook last night that a minor girl had updated her status as- 'I am gonna to commit suicide today'. The child was located in 30 mins & her safety ensured. She & her family were counselled. She is safe and in their care. @CMOfficeAssam @IPS_Association pic.twitter.com/w4u3XxZY0a— Assam Police (@assam_police) July 24, 2018 आसाम पोलिसांनी ट्विटकरुन याबाबत माहिती दिली आहे. एका अल्पवयीन मुलीने आत्महत्या करणार असल्याचं स्टेटस अपडेट केलं आहे अशी माहिती आम्हाला फेसबुकने दिली. त्यानंतर अवघ्या ३० मिनिटांमध्ये मुलीची ओळख पटवण्यात आली आणि तिला आम्ही ताब्यात घेतलं. तिचं आणि तिच्या कुटुंबियांचं समुपदेशन करण्यात आलं. आता ती ठीक असून कुटुंबियांसोबत आहे, अशी माहिती पोलिसांनी दिली. तर, आम्ही पोहोचल्यावर घाबरुन ती मुलगी चुकीचं पाऊल उचलण्याची भीती होती, त्यामुळे पोलीस साध्या कपड्यांमध्ये तिथे पोहोचले होते अशी माहिती एका पोलीस अधिकाऱ्याने दिली.
