चारा घोटाळा: लालूप्रसाद यादवांना पाच वर्षांची शिक्षा; खासदारकीला मुकणार

चारा घोटाळ्याप्रकरणी दोषी ठरवण्यात आलेले बिहारचे माजी मुख्यमंत्री आणि रेल्वेमंत्री लालू प्रसाद यादव यांना गुरुवारी रांचीतील सीबीआयच्या विशेष  न्यायालयाने पाच वर्षांची शिक्षा सुनावली.
अग्रलेख : बुडाला यादवी पापी
आपले वय, स्वभाव आणि कारकिर्दीचा विचार करून शिक्षेत सूट देण्याची मागणी, लालू प्रसाद यादव यांच्या वकिलांनी केली होती. मात्र, न्यायालयाने ती मंजूर केली नाही. या निकालामुळे लालूप्रसाद यादव यांना खासदारकीला मुकावे लागणार आहे.
तसेच त्यांना पुढील ११ वर्षे निवडणूकही लढविता येणार नाही.
व्हिडिओ – विशेष संपादकीय : फांद्या छाटल्या, मुळावर घाव कधी?
या खटल्यातील अन्य दोषी आणि बिहारचे माजी मुख्यमंत्री जगन्नाथ मिश्रा आणि जेडीयूचे खासदार जगदीश शर्मा यांना चार वर्षांची शिक्षा सुनावण्यात आली. न्यायालयाने लालूप्रसाद यादवांना २५ लाख रुपयांचा आणि मिश्रा यांना पाच लाख रुपयांचा दंडही ठोठावला आहे.
शांत, निश्चल लालू
न्यायालयाने गुरुवारी सकाळी खटल्यातील शिक्षेप्रकरणी सरकारी आणि बचाव पक्षाचा युक्तिवाद ऐकून घेतला. दुपारी पावणे तीन वाजता न्या. प्रवासकुमार सिंग यांनी खटल्यातील दोषींना शिक्षा सुनावली.
लालूंविरोधात कट केल्याचा कुटुंबीयांचा आरोप
चारा घोटाळ्यामधील सहभागावरून रांचीच्या विशेष सीबीआय न्यायालयाने सोमवारी लालू प्रसाद यांना चारा घोटाळ्यातील खटल्यामध्ये दोषी ठरवले होते. त्या दिवशी सात जणांच्या शिक्षेवर सोमवारीच सुनावणी करण्यात आली होती.
भ्रष्टाचाराचे कुरण
सोमवारी सीबीआय न्यायालयाकडून लालू प्रसाद यादव यांना दोषी करार देण्यात आल्यापासून त्यांना रांची येथील बिरसा मुंडा कारागृहामध्ये अटक करून ठेवण्यात आले आहे. लालू प्रसाद यादव यांना व्हिडिओ कॉन्फरंसिंगद्वारे शिक्षा सुनावण्यात आली.