scorecardresearch

Premium

तेलंगणाचे माजी मुख्यमंत्री के चंद्रशेखर राव रुग्णालयात, फार्महाऊसमध्ये पाय घसरुन पडल्याने कंबरेला दुखापत

केसीआर यांना सोमाजीगुडा येथील यशोदा रुग्णालयात दाखल करण्यात आलं आहे.

KCR IN Hospital
तेलंगणाचे माजी मुख्यमंत्री केसीआर

तेलंगणाचे माजी मुख्यमंत्री आणि बीआरएसचे प्रमुख के. चंद्रशेखर राव हे त्यांच्या फार्महाऊसवर पाय घसरुन पडल्याने त्यांना सोमाजीगुडा येथील यशोदा रुग्णालयात दाखल करण्यात आलं आहे. गुरुवारी रात्री उशिरा इरावल्ली येथील त्यांच्या फार्महाऊसमध्ये ते पाय घसरुन पडले. त्यामुळे केसीआर यांच्या कंबरेला मार बसला आहे. केसीआर यांची प्रकृती सध्या स्थिर आहे असं डॉक्टरांनी सांगितलं आहे.

आज त्यांच्या काही चाचण्या केल्या जाणार आहेत. त्यांना हिप फ्रॅक्चर झाल्याचं डॉक्टरांनी सांगितलं आहे. तसंच त्यांच्या डाव्या पायाला गंभीर इजा झाली आहे असंही डॉक्टरांनी स्पष्ट केलं आहे. तेलंगणाचे माजी मुख्यमंत्री केसीआर हे गुरुवारी त्यांच्या फार्महाऊसवर गेले होते. तिथे बाथरुममध्ये गेले असता त्यांचा पाय घसरला आणि ते पडले. त्यामुळे त्यांच्या कंबरेचं हाड मोडलं आहे. त्यांना रुग्णालयात दाखल करण्यात आल्यानंतर काही वेळातच रुग्णालयाने मेडिकल बुलेटीनही जारी केलं. ANI ने याबाबतचं वृत्त दिलं आहे.

one more murder in the hometown of Home Minister Devendra Fadnavis
गृहमंत्री देवेंद्र फडणवीस यांच्या गृहशहरात चाललयं काय? आणखी एका हत्याकांडाने उपराजधानी हादरली
Supriya Sule pune
लोकांच्या कामासाठी कोणाकडेही जाण्यास काहीच अडचण नाही – सुप्रिया सुळे
Provide infrastructure in MIDC areas Chief Minister Eknath Shinde orders officials
एमआयडीसी भागात पायाभूत सुविधा द्या, मुख्यमंत्री एकनाथ शिंदे यांचे अधिकाऱ्यांना आदेश
Deputy Chief Minister Ajit Pawar on the occasion of inaugurating party office in Islampur sangli
उपमुख्यमंत्री पवार सोमवारी जयंत पाटलांच्या बालेकिल्ल्यात

सध्याच्या घडीला केसीआर यांच्यासह त्यांचे कुटुंबीय आणि पक्षाचे काही लोक आहेत. तेलंगणाच्या निवडणुकीचा निकाल रविवारी लागला. त्यात केसीआर यांच्या हातून तेलंगणाची सत्ता गेली आहे. रेवंथ रेड्डी यांचा शपथविधी गुरुवारीच पार पडला. केसीआर हे त्यांच्या फार्महाऊसवर गेले असता ही घटना घडल्याचं समोर आलं आहे. २०१३ मध्ये ते मुख्यमंत्री झाले त्यानंतरही मुख्यमंत्री होते. यावेळी मुख्यमंत्री होण्याची त्यांची हॅट् ट्रीक चुकली.

केसीआर यांच्यावर शस्त्रक्रिया केली जाणार आहे. डॉ. कलवकुंतला संजय हे अस्थिरोग तज्ञ (orthopedician) त्यांच्यावर शस्त्रक्रिया करणार आहेत. बाथरुममध्ये पाय घसरुन पडल्याने केसीआर यांना हिप फ्रॅक्चर झालं आहे. पंतप्रधान नरेंद्र मोदी यांनीही X वर पोस्ट लिहित केसीआर यांना लवकर बरं वाटावं अशा सदिच्छा दिल्या आहेत.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Former telangana cm kcr suffer hip fracture after fall in farm house admitted in yashoda hospital scj

First published on: 08-12-2023 at 10:49 IST

संबंधित बातम्या

तुम्ही या बातम्या वाचल्या आहेत का? ×