हॉलिवूड अभिनेते बर्ट रेनॉल्ड्स यांचे हृदयविकाराच्या झटक्याने फ्लोरिडा येथे निधन झाले. ते ८२ वर्षांचे होते. डॅन ऑगस्ट आणि गन स्मोकसारख्या अनेक टीव्ही शोमधून त्यांनी विविध भूमिका साकारल्या होत्या. तर १९९७ मध्ये बुगी नाइट्स या सिनेमासाठी ऑस्कर नामांकन मिळाले होते. इव्हिनिंग शेड्स या सिनेमातील भूमिकेसाठी बर्ट रेनॉल्ड्स यांना गोल्डन ग्लोब पुरस्काराने सन्मानित करण्यात आले होते. हॉलिवूड सिनेसृष्टी आणि टीव्ही यामध्ये बर्ट रेनॉल्ड यांची कारकीर्द प्रदीर्घ होती. 'वन्स अपॉन अ टाइम इन हॉलिवुड'या सिनेमासह इतर काही सिनेमांमध्ये ते आत्ताही काम करत होते. या सिनेमात त्यांच्यासोबत ब्रॅड पिट आणि लिओनार्दो डी कॅप्रिओही यांच्याही प्रमुख भूमिका आहेत. अँजल बेबी हा १९६१ मध्ये आलेला त्यांचा पहिला सिनेमा होता. 'अवर मॅन फ्लिंट', 'व्हाइट लाइटनिंग', 'द मॅन हू लव्ह्ड कॅट डान्सिंग', 'लकी लेडी' यांसारख्या सिनेमांनी त्यांना प्रसिद्धीच्या शिखरावर पोहचवले. त्यांना जेम्स बॉन्डच्या भूमिकेसाठीही विचारणा झाली होती. मात्र एक अमेरिकन अभिनेता कधीही जेम्स बॉन्ड साकारू शकत नाही असे म्हणत त्यांनी ती नाकारली. बर्ट रेनॉल्ड्स यांच्या निधनाचे वृत्त त्यांच्या पुतणीने दिले. माझे काका बर्ट रेनॉल्ड्स हे एक उत्तम अभिनेते, संवेदनशील माणूस होते. त्यांनी त्यांचे आयुष्य कुटुंब, मित्र, चाहते आणि त्यांच्या विद्यार्थ्यांसाठी घालवले. गेल्या काही दिवसांपासून त्यांची तब्बेत बिघडली होती. मात्र त्यांना हृदयविकाराचा झटका येईल आणि त्यांचा मृत्यू होईल असे वाटले नव्हते. ज्या चाहत्यांनी त्यांच्यावर मनापासून प्रेम केले त्या सगळ्यांचे मी आभार मानते अशी प्रतिक्रिया बर्ट रेनॉल्ड्स यांची पुतणी नॅन्सी लीने दिली आहे. Burt Reynolds was one of my heroes. He was a trailblazer. He showed the way to transition from being an athlete to being the highest paid actor, and he always inspired me. He also had a great sense of humor - check out his Tonight Show clips. My thoughts are with his family. — Arnold (@Schwarzenegger) September 6, 2018 Very sad to hearing about the passing of Burt Reynolds. He was a great actor, a philanthropist and a pioneer of the cool mustache. Thank you, Burt. You will be missed. pic.twitter.com/nuuFWMSnJg — Steve Harvey (@IAmSteveHarvey) September 6, 2018 Rest in Peace Burt Reynolds! I remember sitting next to you & Lonnie at a family funct'n in the 80s. You were so kind, handsome, charming, funny & gave me sage advice! I was 27. You were the best!
