घरगुती वापराच्या गॅस सिलिंडरच्या किंमतीत बुधवारपासून (12 फेब्रुवारी) वाढ करण्यात आली आहे. एलपीजी गॅसच्या किंमतीत सलग सहाव्यांदा वाढ करण्यात आली आहे. दिल्ली आणि मुंबईमध्ये अनुक्रमे १४४.५ आणि १४५ रुपये प्रति सिलिंडरची दरवाढ करण्यात आली आहे. त्यामुळे विना-अनुदानित सिलिंडर आता दिल्लीत ८५८.५ रुपये आणि मुंबईत ८२९.५ रुपये असे आहे, असं इंडियन ऑईल कॉर्पोरेशन म्हटलं आहे. Prices of non-subsidised 14 kg Indane gas in metros, applicable from today: In Delhi price rises to Rs 858.50 (increase by Rs 144.50), in Kolkata - Rs 896.00 (increase by Rs 149), in Mumbai - Rs 829.50 (increase by Rs 145), in Chennai - Rs 881.00 (increase by Rs 147). pic.twitter.com/0kbynJJld7 — ANI (@ANI) February 12, 2020 इंडियन ऑईल कॉर्पोरेशननं डिसेंबर महिन्यात दिल्ली, कोलकाता, चेन्नई आणि मुंबई या शहरात अनुदानित एलपीजी गॅसवर २०० रुपयांची वाढ केली होती. त्यानंतर दोन महिन्यांतच विना अनुदानित एलपीजी गॅसच्या दरातही वाढ करण्यात आली आहे. साधारण प्रति सिलिंडर १४५ रुपयांची वाढ करण्यात आली आहे. सरकारकडून वर्षाला १२ एलपीजी गॅसवर अनुदान दिले जाते. मात्र अतिरिक्त सिलिंडरसाठी ग्राहकांना अधिकचे पैसे मोजावे लागतात. नव्या वाढीमुळे सर्वसामान्य माणसाच्या खिशाला आणखी झळ बसणार आहे.