लेझर-आधारित शस्त्र यंत्रणेने देशाची संरक्षण तंत्रज्ञानात मोठी झेप; विमाने, क्षेपणास्त्रे, ड्रोन पाडण्यासाठी वापर

आंध्र प्रदेशातील कुर्नूल येथील ‘नॅशनल ओपन एअर रेंज’ येथे यशस्वी प्रात्यक्षिक केल्यानंतर या यंत्रणेचे उत्पादन आणि तैनातीसाठी ‘डीआरडीओ’ सज्ज आहे. ‘डीआरडीओ’चे अध्यक्ष डॉ. समीर व्ही कामत यांनी दिलेल्या माहितीनुसार, सध्या अमेरिका, रशिया आणि चीन या देशांकडे ही क्षमता आहे. त्याशिवाय इस्रायलही ती विकसित करत आहे.

३० किलोवॅट लेझर शस्त्र यंत्रणेची रचना पाच किलोमीटरच्या टप्प्यातील ड्रोन आणि हेलिकॉप्टरसारख्या हवाई धोक्यांना उत्तर देण्यासाठी करण्यात आली आहे. त्यामध्ये संभाषण व उपग्रहाचे सिग्नल अवरोधित करण्यासारखी अत्याधुनिक इलेक्ट्रॉनिक युद्ध क्षमता आहे. तसेच ती हवाई, रेल्वे, रस्ता किंवा सागरी मार्गाने जलदगतीने तैनात करता येऊ शकते.