scorecardresearch

IAF Plane Crash : राजस्थानमध्ये मोठी दुर्घटना, भारतीय हवाई दलाचं लढाऊ विमान कोसळलं

राजस्थानमधील भरतपूरमध्ये एक मोठी दुर्घटना घडली आहे. येथील पिंगोर रेल्वे स्टेशनजवळ भारतीय हवाई दलाचं एक विमान कोसळलं आहे.

IAF Plane Crash
राजस्थानमधील भरतपूरमध्ये एक मोठी दुर्घटना घडली आहे. येथील पिंगोर रेल्वे स्टेशनजवळ भारतीय हवाई दलाचं एक विमान कोसळलं आहे. (PC : ANI)

Bharatpur Plane Crash : राजस्थानमधील भरतपूरमध्ये एक मोठी दुर्घटना घडली आहे. येथील पिंगोर रेल्वे स्टेशनजवळ भारतीय हवाई दलाचं एक विमान कोसळलं आहे. क्रॅशमध्ये विमानाचे काही भाग वेगळे झाले आहेत तसेच विमानाने पेट घेतला. मिळालेल्या माहितीनुसार या फायटर जेटने आग्र्याहून उड्डाण केलं होतं. भरतपूरचे डीएम आलोक रंजन यांनी याबाबत माहिती देताना सांगितलं की, एक चार्टर्ड एअरक्राफ्ट भरतपूरजवळ कोसळलं आहे. पोलीस आणि प्रशासकीय टीम घटनास्थळी पोहोचली आहे.

दरम्यान, भारतीय हवाई दलाचे अधिकारी देखील घटनास्थळी पोहोचले आहेत. हवाई दल सध्या या अपघाताचं कारण शोधण्याचा प्रयत्न करत आहे. संरक्षण विभागाचे जनसंपर्क अधिकारी कर्नल अमिताभ शर्मा यांनी सांगितलं की, अपघाताची माहिती आम्हाला मिळाली आहे. नेमकं कोणतं विमान दुर्घटनाग्रस्त झालंय, याबाबतची माहिती मिळवण्याचा प्रयत्न केला जात आहे.

विमान ज्या ठिकाणी क्रॅश झालं तिथल्या लोकांनी सांगितलं की, शनिवारी सकाळी १०.३० च्या सुमारास हे विमान गावाच्या बाहेर शेतामध्ये कोसळलं. विमान कोसळल्याच्या आवाजाने गावातले लोक घाबरले. गावातील शेकडो लोकांनी घटनास्थळी धाव घेतली. गावाच्या बाहेर वेगवेगळ्या ठिकाणी विमानाचे भाग विखुरले आहेत.

पायलटचा शोध सुरू

दरम्यान, घटनेची माहिती मिळताच स्थानिक प्रशासन आणि पोलीस घटनास्थळी पोहोचले. स्थानिकांनी सांगितलं की, विमान पडलेल्या ठिकाणी कुठेही विमानाचा पायलट दिसला नाही. असं म्हटलं जात आहे. दुर्घटनेपूर्वी पायलट सुरक्षितपणे विमानातून बाहेर पडला असावा.

हे ही वाचा >> गर्लफ्रेंडला कारमध्ये बसवलं, निर्जन स्थळी नेलं आणि ५० लाखांची मर्सिडीज पेटवली

अद्याप या घटनेबद्दल भारतीय हवाई दलाने कोणतंही अधिकृत निवेदन जारी केलेलं नाही. संरक्षण जनसंपर्क अधिकाऱ्यांनी सांगितलं की, हवाई दलाकडून माहिती मिळ्यानंतर अधिकृत निवेदन जारी केलं जाईल.

मध्य प्रदेशमध्ये दोन लढाऊ विमानं कोसळली

मध्य प्रदेशमधील मोरेना भागात हवाई दलाची आणखी दोन विमानं कोसळली आहेत. सुखोई ३० आणि मिराज २००० ही लढाऊ विमानं कोसळली आहेत. हवाई दलाने शोध आणि बचाव कार्य सुरू केलं आहे. ग्वाल्हेरमधून या दोन्ही विमानांनी उड्डाण केलं होतं.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 28-01-2023 at 11:45 IST