International Day of Yoga 2024 : येत्या १० दिवसांत देशात जागतिक योग दिन साजरा केला जाणार आहे. पंतप्रधान नरेंद्र मोदी यांनी २०१४ साली पंतप्रधान पदाचा पदभार स्वीकारल्यानंतर त्यांनी जागतिकय योग दिनाची सुरुवात केली होती. त्यानिमित्ताने यंदा १० वा जागतिक योग दिन साजरा केला जाणार आहे. या योग दिनानिमित्ताने देशभर योग उपक्रमांची जनजागृती झाली. अनेकांनी योग करण्यास सुरुवात करून आयुष्यात अमुलाग्र बदल घडवून आणला आहे. आता यंदाच्या योग दिनाला अवघे १० दिवस उरलेले असताना पतंप्रधान नरेंद्र मोदी यांनी योगाला आपल्या आयुष्यात अविभाज्य भाग बनवण्याचे आवाहन केले आहे. त्यांनी यासंदर्भातील एक्सवर पोस्ट केली आहे.
X पोस्टमध्ये पंतप्रधान नरेंद्र मोदी म्हणाले “आतापासून दहा दिवसांनी जग दहावा आंतरराष्ट्रीय योग दिवस साजरा करेल.यामुळे एकता आणि सुसंवाद साजरा होईल. योगाने सांस्कृतिक आणि भौगोलिक सीमा ओलांडल्या आहेत आणि जगभरातील लाखो लोकांना सर्वांगीण कल्याणासाठी एकत्र केले आहे.”
“जसे आपण या वर्षीच्या योग दिनाजवळ येत आहोत, योग हा आपल्या जीवनाचा अविभाज्य भाग बनवण्याच्या आपल्या वचनबद्धतेचा पुनरुच्चार करणे आवश्यक आहे आणि इतरांनाही त्याचा भाग बनवण्यासाठी प्रोत्साहित करणे आवश्यक आहे. योग हे शांततेचे अभयारण्य आहे. जे आपल्याला जीवनातील आव्हानांविरोधात शांततेने आणि धैर्याने लढण्यास सक्षम करते”, असंही मोदी म्हणाले.
As we approach this year’s Yoga Day, it is essential to reiterate our commitment to making Yoga an integral part of our lives and also encouraging others to make it a part of theirs. Yoga offers a sanctuary of calm, enabling us to navigate life's challenges with calm and…
— Narendra Modi (@narendramodi) June 11, 2024
दरम्यान, पंतप्रधान नरेंद्र मोदी यांनी फक्त आवाहनच केलं नाही तर त्यांच्या डिजिटल रुपातील योग प्रशिक्षकाचे काही व्हिडिओही प्रदर्शित केले आहेत. या व्हिडिओमध्ये योगाचे विविध प्रकार मोदींच्या डिजिटल रुपातील प्रशिक्षकाने शिकवले आहेत.
As Yoga Day approaches, I am sharing a set of videos that will offer guidance on various Asanas and their benefits. I hope this inspires you all to practice Yoga regularly. https://t.co/Ptzxb89hrV
— Narendra Modi (@narendramodi) June 11, 2024
योगाचे फायदे –
- लवचिकता
योग तुमची हालचाल आणि लवचिकता वाढवण्यास मदत करतात, ज्यामुळे तुमच्या शाररीक वेदना कमी होण्यास आणि एकूण गतिशीलता सुधारण्यास मदत होऊ शकते.
- मजबूत स्नायू –
योगामुळे तुमचे स्नायू बळकट होण्यास मदत होते, तुमच्या मुख्य स्नायूंसह, ज्यामुळे तुमची मुद्रा आणि संतुलन सुधारू शकते.
- तणाव कमी होतो –
योगामुळे मन आणि शरीर शांत होऊन तणाव कमी होण्यास मदत होते.
- झोप सुधारते –
योगामुळे शरीर आणि मन शांत होऊन शांत झोप घेता येऊ शकते.
- ऊर्जा वाढते-
योगासने रक्ताभिसरण सुधारून आणि थकवा कमी करून ऊर्जा पातळी वाढविण्यात मदत करू शकतात.
- वजन कमी होणे –
योग कॅलरी बर्न करते आणि चयापचय सुधारधे ज्यामुळे तुमचे वजन कमी होण्यास मदत होते.
- मानसिक संतुलन सुधारते –
योगामुळे चिंता, नैराश्य आणि तणाव कमी होऊन मानसिक आरोग्य सुधारण्यास मदत होते.
आंतरराष्ट्रीय योग दिन कसा साजरा करायचा?
आंतरराष्ट्रीय योग दिन हा दिवस योगाबद्दलची अधिक माहिती जाणून घेण्यासाठी आणि त्याचे अनेक फायदे अनुभवण्यासाठी साजरा केला जातो. तुम्हाला जर योग करण्याची इच्छा असेल तर तुमच्यासाठी अनेक पर्याय उपलब्ध आहेत. तुम्ही एखादा योगा क्लास शोधू शकता शिवाय ऑनलाइन किंवा पुस्तकातूनही योग शिकू शकता. यंदाचा आंतरराष्ट्रीय योग दिन कसा साजरा करू शकतो याबद्दलचे काही पर्याय खाली दिले आहेत.
