गाझात किमान ६२ ठार, युद्धविरामाच्या संभाव्य चर्चेपूर्वी इस्रायल आक्रमक

गाझा शहरातील पॅलेस्टाईन स्टेडियमजवळ शुक्रवारी रात्रीपासून शनिवारी सकाळपर्यंत करण्यात आलेल्या हल्ल्यांमध्ये १२ जण ठार झाले. तेथे निर्वासितांच्या छावण्या आहेत. आणखी एका हल्ल्यामध्ये आणखी आठजण मृत्युमुखी पडले. हे मृतदेह शिफा रुग्णालयात नेण्यात आले. तर नासेर रुग्णालयात २०पेक्षा जास्त मृतदेह नेल्याचे आरोग्य अधिकाऱ्यांनी सांगितले.

युद्धविरामाशी संबंधित घडामोडींची माहिती असलेल्या अमेरिकी अधिकाऱ्याने ‘एपी’ला सांगितले की, इस्रायलचे मंत्री रॉन डेर्मर पुढील आठवड्यात वॉशिंग्टनला जाणार आहेत. या भेटीत गाझामधील युद्धविरामासह इतर मुद्द्यांवर चर्चा होणार आहे.