scorecardresearch

Premium

‘हमास’विरोधात इस्रायलने आखली रणनीती; पंतप्रधान बेंजामिन नेतन्याहू म्हणाले, “युद्धसक्ती लादल्याने…”

वीज, इंधन आणि वस्तुंचा पुरवठा थांबवण्याचा निर्णय मंत्रिमंडळ बैठकीत घेण्यात आला आहे.

isrel attack
इस्रालयमध्ये युद्ध सुरू झाल्याची पंतप्रधानांकडून माहिती (फोटो – एपी)

गाझा पट्टीतील सत्ताधारी ‘हमास’ या दहशतवादी गटाने शनिवारी पहाटे इस्रायलवर केलेल्या अभूतपूर्व हल्ल्यात १०० जण ठार झाले आहेत. तर इस्रायलने प्रत्युत्तरादाखल गाझा पट्टीवर केलेल्या हल्ल्यात १९८ नागरिक ठार झाल्याचा दावा पॅलेस्टिनने केला आहे. ‘हमास’ने इस्रायलवर केलेल्या हल्ल्यात साडेसाडशेहून अधिक जखमी झाल्याचे इस्रालयी संस्थांनी म्हटले आहे, तर इस्रालयच्या गाझावरील हल्ल्यात १,६१० लोक जखमी झाल्याचा दावा पॅलेस्टिनी आरोग्य मंत्र्यांनी केला आहे. दरम्यान, आता युद्ध सुरू झाली असल्याची प्रतिक्रिया इस्रायलचे पंतप्रधान बेंजामिन नेतन्याहू यांनी केली आहे. त्यांनी भल्या पहाटे ट्वीट करून ही माहिती दिली.

“आम्ही एका दीर्घ आणि कठीण युद्धाला सुरुवात करत आहोत. हमासने खुनी हल्ले केल्याने युद्धसक्ती लादण्यात आली आहे. आपल्या हद्दीत घुसलेल्या बहुतेक शत्रू सैन्याचा नाश करून पहिला टप्पा संपेल. आम्ही आक्रमक हल्ला सुरू केला असून उद्दीष्ट साध्य होईपर्यंत कोणत्याही विश्रांतीशिवाय हा प्रतिहल्ला सुरूच राहणार आहे. आम्ही इस्रायलच्या नागरिकांना सुरक्षा बहाल करू आणि आपणच जिंकू”, असा विश्वास पंतप्रधान बेंजामिन नेतन्याही यांनी यावेळी व्यक्त केला.

Manoj Jarange Patil assured the High Court that the agitation will be carried out in peaceful way
आंदोलन सर्वतोपरी शांततापूर्ण मार्गाने करणार, मनोज जरांगेंची उच्च न्यायालयात हमी
Election Commission slapped the state government cancellation of transfers of 109 officials
निवडणूक आयोगाचा राज्य सरकारला दणका, १०९ अधिकाऱ्यांच्या बदल्या रद्द
Eknath Shinde Abhishek Ghosalkar
अभिषेक घोसाळकरांच्या हत्येनंतर राज्य सरकार अ‍ॅक्शन मोडवर, कायदा-सुव्यवस्था राखण्यासाठी मोठा निर्णय
mumbai drug license marathi news, mumbai drug shops marathi news
औषध परवान्यांच्या निलंबनाऐवजी दंडात्मक कारवाईचा प्रस्ताव, निलंबन रद्द करण्याचे अधिकार फक्त मंत्र्यांना!

इस्रायलच्या पंतप्रधानांच्या कार्यालयाने दिलेल्या निवेदनानुसार मंत्रिमंडळाने हमास आणि पॅलेस्टिनी प्राधिकरणाच्या लष्करी हल्ल्यांविरोधात इस्रायलने ऑपरेशनल निर्णयांची रणनीती आखली आहे. तसंच, वीज, इंधन आणि वस्तुंचा पुरवठा थांबवण्याचा निर्णय मंत्रिमंडळ बैठकीत घेण्यात आला आहे.

हेही वाचा >> गाझापट्टीत युद्धाचा भडका; ‘हमास’च्या हल्ल्यानंतर इस्रायलचा प्रतिहल्ला; ३०० मृत्यू, हजारो जखमी

‘हमास’चे ‘ऑपरेशन अल-अक्सा स्टॉर्म!’

‘हमास’च्या लष्करी शाखेचा नेता मोहम्मद डेफ याने सांगितले की, ‘हमास’च्या सशस्त्र गटाने इस्रायलविरुद्ध नवी लष्करी मोहीम सुरू केली आहे. इस्रायलविरोधात ‘ऑपरेशन अल-अक्सा स्टॉर्म’ ही मोहीम राबवण्यात येत असून, त्याअंतर्गत शनिवारी पहाटे इस्रायलवर पाच हजार ‘रॉकेट’ डागण्यात आले, तर इस्रायली संस्थांच्या म्हणण्यानुसार २५०० रॉकेट डागण्यात आले.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Israels strategy against hamam prime minister benjamin netanyahu said embarking on a long and difficult war sgk

First published on: 08-10-2023 at 09:26 IST

संबंधित बातम्या

तुम्ही या बातम्या वाचल्या आहेत का? ×