Israel-Iran Conflict : इराण आणि इस्रायल यांच्यात गेल्या काही दिवासांपूर्वी संघर्ष चांगलाच पेटला होता. इस्रायल आणि अमेरिकेने १२ दिवस चाललेल्या या संघर्षादरम्यान इराणच्या अणु केंद्रांवर हल्ला केला. यानंतर इराणने देखील इस्रायल आणि अमेरिकेच्या लष्करी तळावर हल्ले केले. यावेळी इराणच्या हवाई हल्ल्यांपासून संरक्षण करण्यासाठी अमेरिकेने देशातील प्रगत क्षेपणास्त्रविरोधी प्रणाली किंवा टर्मिनल हाय अल्टिट्यूड एरिया डिफेन्स (THAAD)चा एकूण १५ ते २० टक्के वापर केल्याची बाब समोर आली आहे.
मिलिटरी वॉच मॅग्झिनने दिलेल्या वृत्तानुसार, या संघर्षादरम्यान एकंदरीत ६० ते ८० इंटसेप्टर्स वापरण्यात आले आहे आणि या एका THAAD इंटरसेप्टरच्या प्रक्षेपणाचा खर्च हा १२ ते १५ दक्षलक्ष डॉलर्सच्या दरम्यान आहे. म्हणजेच एकूण इंटरसेप्टर्सचा खर्च हा ८१० दशलक्ष डॉलर्स ते १.२१५ अब्ज डॉलर्सपर्यंत पोहचला आहे. या रकमेपुढे इराणच्या क्षेपणास्त्रांची किंमत खूपच कमी आहे. त्यामुळे संरक्षण करणे आणि हल्ला करणे याच्यासाठी मोजाव्या लागणाऱ्या किमतीतील फरक हा खूप मोठा असून दिर्घकाळ किंवा अनेक आघाड्यांवर युद्ध सुरू झाल्यास तो भाहवणे शक्य नसल्याची बाब समोर आली आहे.
वॉल स्ट्रीट जर्नलच्या मते, अमेरिकेने २०२४ मध्ये इस्रायलमध्ये बसवलेली ही THAAD स्टिस्टम पुन्हा एकदा रिस्टॉक केली होती.
इराणने त्यांच्या अणु आणि लष्करी केंद्रांवर केलेल्या हल्ल्यांना प्रत्युत्तर म्हणून इस्रायलमधील शहरांवर क्षेपणास्त्रांचा मारा केला होता. त्यात गदर, एमाद, खेबर शेकान आणि फताह-१ हायपरसोनिक क्षेपणास्त्रे डागण्यात आली होती. या क्षेपणास्त्रांना रोखणे कठीण असते कारण हे Mach १५ पर्यंतच्या वेगाने प्रवास करतात.
THAAD सिस्टमची रचना ही उत्तर कोरिया आणि इराण यासारख्या देशांच्या वाढत्या क्षेपणास्त्र क्षमतांचा समाना करम्यासाठी करण्यात आली आहे. या देशांकडून पारंपारिक तसेच अण्विक वॉरहेड्स वाहून नेऊ शकतील असे मिडीयम आणि इंटकमिडीएट रेंजची बॅलिस्टिक क्षेपणास्त्रे तयार करण्याच्या प्रयत्नात आहेत.
अमेरिका दरवर्षी फक्त ५०-६० THAAD इंटरसेप्टर्स तयार करते, याचा अर्थ असा की त्यांनी फक्त ११ दिवसांत जेवढे इंटरसेप्टर अमेरिकेने वापरले त्यांची पोकळी भरून काढण्यासाठी काही वर्षांचा कालावधी लागू शकतो.
