Jacqueline Fernandez : अभिनेत्री जॅकलिन फर्नांडिसला न्यायालयाचा दणका, २०० कोटींच्या आर्थिक गैरव्यवहार प्रकरणात मोठा निर्णय

जॅकलिनची मागणी नेमकी काय होती?

जॅकलिन फर्नांडिसने तिच्या याचिकेत ईडीने दाखल केलेली एफआयआर रद्द करावी अशी मागणी केली होती. तसंच कनिष्ठ न्यायालयाच्या आदेशालाही याचिकेत आव्हान दिलं होतं. जॅकलीन फर्नांडिसने न्यायालयाला ही विनंतीही केली होती की तिच्या विरोधात सुरु असलेली कायदेशीर कारवाई थांबवण्यात यावी. मात्र न्यायालयाने तिची याचिका फेटाळली आहे.

आर्थिक गैरव्यवहार प्रकरणाशी माझा संबंध नाही-जॅकलिन

अभिनेत्री जॅकलिन फर्नांडिस म्हणाली की, तिचा या मनी लाँडरिंगशी काहीही संबंध नाही आणि सुकेशने मुद्दाम तिला टार्गेट केलं. जॅकलीनने म्हटलं की, सुकेशने केलेल्या त्या दाव्याला काहीही आधार नाही की दोघं रिलेशनशिपमध्ये होते. जॅकलीन म्हणाली सुकेशने माझ्याबाबत केलेले प्रेमाचे आणि नातं जोडल्याचे दावे खोटे आणि निराधार आहेत.

“आर्थिक गैरव्यवहार प्रकरणाशी माझा काहीही संबंध नाही, तसंच सुकेश चंद्रशेखरने जे काही दावे केले आहेत ते बिनबुडाचे आणि निराधार आहेत.”

जॅकलिन फर्नांडिस

This quiz is AI-generated and for edutainment purposes only.

जॅकलिनचं नाव या प्रकरणात कसं आलं?

आर्थिक अफरातफरीचं हे प्रकरण २०२१ मध्ये समोर आलं होतं तिहारच्या तुरुंगातून एका मोठ्या घोटाळ्याची आखणी करणाऱ्या ठग सुकेश चंद्रशेखर विरोधात मनी लॉन्ड्रिंगचं प्रकरण नोंदवण्यात आलं. यात सुकेशवर २०० कोटींच्या फसवणुकीचा आरोप आहे. याबाबत जेव्हा सुकेशची कसून चौकशी झाली तेव्हा त्यांना जॅकलीन फर्नांडिस आणि इतर सेलिब्रिटींना महागडी गिफ्ट दिली होती अशी माहिती समोर आली. ही रक्कम सुकेशने अनेक सेलिब्रिटींना महागड्या भेटी पाठवण्यासाठी वापरली होती. त्यात जॅकलीनचं नाव प्रामुख्याने समोर आलं होतं. दरम्यान जॅकलीन आणि तिच्या कुटुंबाने सुकेशकडून कुठलंही गिफ्ट किंवा कुठलीही भेट वस्तू घेतली नाही असं म्हणत त्याचे दावे फेटाळले होते. दरम्यान ईडीने जॅकलीन फर्नांडिसच्या विरोधात एफआयआर दाखल केला होता. आता तो रद्द करण्याची मागणी दिल्ली उच्च न्यायालयाने फेटाळून लावली आहे.