सर्वसामान्यांना महागाईचा फटका! एलपीजीच्या दरात वाढ, घरगुती अनुदानित सिलेंडर २५ रुपयांनी महागला

दिल्लीमध्ये आज १४.२ किलोच्या सिलेंडरसाठी ८०९ ऐवजी ८३४ रुपये ५० पैसे मोजावे लागणार आहेत. तर मुंबईतही इतकेच पैसे मोजावे लागणार आहेत. दुसरीकडे कोलकातामध्ये एलपीजी सिलेंडरचा दर ८३५ रुपये ५० पैशांवरुन ८६१ रुपये झाला आहे तर चेन्नईत एलपीजी सिलेंडरसाठी ८५० रुपये ५० पैसे इतका दर आहे. उत्तर प्रदेशातील लखनऊमध्ये एलपीजी सिलेंडरचा दर ८७२ रुपये ५० पैसे इतका झाला असून गुजरातमधील अहमदाबादमध्ये ८४१ रुपये ५० पैसे झाला आहे.

सरकारी तेल कंपन्या प्रत्येक महिन्याच्या सुरुवातीला गॅस सिलेंडरच्या किंमतीत बदल करतात. याआधी १ मे रोजी एलपीजी गॅस सिलेंडरच्या दरात कोणताही बदल केला नव्हता. तर एप्रिल महिन्यात १० रुपयांनी दर कमी करण्यात आले होते. तर फेब्रुवारी आणि मार्चमध्ये हे दर वाढले होते. दरम्यान या वर्षभरात एलपीजी सिलेंडरच्या दरात एकूण १४० रुपयांची वाढ झाली आहे.