Madhya Pradesh minister Ramkhelawan Patel threatening an official of the Food Department gone viral | Loksatta

“…तर फासावर उलटं लटकवेन”, मध्य प्रदेशातील मंत्र्याची अधिकाऱ्यावर दादागीरी, ऑडिओ क्लिप व्हायरल

अन्न विभागाच्या अधिकाऱ्याला धमकावल्याचा रामखेलावन पटेल यांच्यावर आरोप आहे

“…तर फासावर उलटं लटकवेन”, मध्य प्रदेशातील मंत्र्याची अधिकाऱ्यावर दादागीरी, ऑडिओ क्लिप व्हायरल
(फोटो- रामखेलावन पटेल यांच्या ट्विटरवरुन)

मध्य प्रदेशातील मंत्री रामखेलावन पटेल यांची अन्न विभागाच्या एका अधिकाऱ्याला धमकी देतानाची ऑडिओ क्लिप व्हायरल झाली आहे. “अमरपाटन मतदारसंघातील कोणत्याही दुकानदारावर गुन्हा दाखल करायचा नाही, असे केल्यास फासावर उलटं लटकवेन”, अशी अधिकाऱ्याला धमकी दिल्याचा आरोप पटेल यांच्यावर करण्यात येत आहे. पटेल यांच्या मतदारसंघात विकल्या जाणाऱ्या भेसळयुक्त पदार्थांवर अन्न विभागाच्या अधिकाऱ्यांकडून कारवाई करण्यात येत आहे. या कारवाईविरोधात एका अधिकाऱ्याला फोनवर धमकावतानाची पटेल यांची ऑडिओ क्लिप वेगाने व्हायरल होत आहे.

माणुसकी दाखवणारी घटना! रुग्णालयात असहाय्य स्थितीत पडलेल्या मुलाला पाहून IAS अधिकाऱ्याला अश्रू अनावर, पाहा VIDEO

मतदारसंघातील काही ठिकाणांवर कारवाई करायची नाही, असे हिंदीत या ओडिओ क्लिपमध्ये पटेल अधिकाऱ्याला सांगत आहेत. पटेल यांनी धमकावलेल्या अधिकाऱ्याने माध्यमांशी बोलण्यास नकार दिला आहे. दरम्यान, मुख्यमंत्री शिवराज सिंह चौहान यांच्याकडून नियम भंग करण्याऱ्या अधिकाऱ्यांवर कारवाई करण्यात येत आहे. चौहान यांनी काही अधिकाऱ्यांना निलंबितदेखील केले आहे.

“भारतातील ‘या’ राज्यांमध्ये प्रवास करू नका”, कॅनडाचा आपल्या नागरिकांना अजब सल्ला; सुरक्षेचं दिलं कारण!

रामखेलावन पटेल हे मागासवर्गीय कल्याण खात्याचे राज्यमंत्री आहे. याआधीही त्यांनी अनेकदा वादग्रस्त वक्तव्य करत सत्ताधारी भाजपाला अडचणीत आणले आहे. तुरुंगात बंदिस्त सहकाऱ्याच्या मुक्ततेसाठी रक्ताचे पाट वाहतील, या त्यांच्या वक्तव्यानंतर मोठा वाद निर्माण झाला होता. सतना जिल्ह्यातील रामनगरमध्ये एका बैठकीदरम्यान पटेल यांचे सहकारी राम सुशील पटेल यांनी महापालिकेच्या अधिकाऱ्याला मारहाण केली होती. याप्रकरणी अटक झाल्यानंतर त्यांच्या सुटकेसाठी रामखेलावन पटेल यांनी आक्रमक पवित्रा घेतला होता. त्यानंतर आता अधिकाऱ्याला धमकावतानाची ऑडिओ क्लिप व्हायरल झाल्यानंतर त्यांच्या अडचणीत वाढ झाली आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Congress President Election : अध्यक्षपदाच्या शर्यतीत आता दिग्विजय सिंह; उद्या उमेदवारी दाखल करणार!

संबंधित बातम्या

“मी तुला इतकाच सल्ला देईन की यापूर्वीही तू…”; ‘काश्मीर फाइल्स’ला अश्लील म्हणणाऱ्या दिग्दर्शकाला इस्रायलच्या राजदूतानं झापलं
Delhi Murder: मृतदेहाचे १० तुकडे, ५०० घरं आणि एक फ्रीज, असा झाला दिल्लीच्या पांडव नगमधील खूनाचा उलगडा
IFFI च्या ज्युरी प्रमुखांनी ‘द कश्मीर फाइल्स’ चित्रपटाला म्हटलं ‘व्हल्गर’ आणि ‘प्रोपगंडा’; अनुपम खेर यांनी दिलं उत्तर, म्हणाले “असत्याची…”
NIA ची मोठी कारवाई! दिल्ली, राजस्थान, हरियाणा, पंजाबमध्ये २० ठिकाणी छापेमारी
Amritsar : पाकिस्तानातून भारतीय हद्दीत प्रवेश करणाऱ्या ड्रोनवर सीमा सुरक्षा दलाचा गोळीबार

व्हिडिओ

ताज्या बातम्या
सुंबूल तौकीर ऑन स्क्रीन पती फहमान खानसह बांधणार लग्नगाठ? ‘बिग बॉस’मध्ये खुलासा करत म्हणाली…
राज ठाकरेंनी पुन्हा बोलून दाखवली मतं मिळत नसल्याची खंत? निवेदन घेऊन आलेल्यांना म्हणाले, “आम्ही फक्त…”
ही ‘राज’नीती मुंबईत कशी जिंकणार?
“जर मी आक्रमक झालो तर त्याला..”, IND vs NZ आधी अर्शदीप सिंगचं उमरान मलिकबाबत मोठं विधान
“काश्मीर फाईल्स व्हल्गर आणि प्रचारकी”, ज्युरींच्या विधानावर संजय राऊतांची प्रतिक्रया, म्हणाले “चित्रपटात एका पक्षाचा…”