ज्या वेळी पीएम मोदी कोलकातामध्ये होते त्याच वेळी ममता बॅनर्जी यांनी दार्जिलिंग मोरे येथून 'पदयात्रा' काढली. या यात्रेमध्ये एलपीजी सिलिंडर्सच्या पुठ्ठ्याची प्रतिकृती हातात घेत हजारो समर्थकांनी भाग घेतला. या बैठकीला टीएमसी मंत्री चंद्रिमा भट्टाचार्य आणि पक्षाचे खासदार मिमी चक्रवर्ती आणि नुसरत जहां उपस्थित होते. ममता बॅनर्जी यांनी नरेंद्र मोदींच्या ‘सोनार बांगला’ या आश्वासनावर टीका करताना म्हणाल्या की मोदी खोटारडे आहेत. बंगालमध्ये इंधनाच्या किंमती मोठ्या प्रमाणात वाढल्या जात असताना आणि बँका विकल्या जात असताना पंतप्रधान बंगालमध्ये स्वप्ने विकायला आले होते. India knows about a syndicate that is Modi and Amit Shah's syndicate: West Bengal CM and TMC chief Mamata Banerjee in Siliguri pic.twitter.com/uTyZl3nnzE — ANI (@ANI) March 7, 2021 "ते सोनार बांगला बद्दल बोलत आहेत. पण सोनार भारताचे काय? एलपीजीचे दर वाढत आहेत, मोदींचे तोलाबाजीही वाढत आहे . त्यांनी दिल्लीला विकले. एअर इंडियापासून ते बीएसएनएलपर्यंत ते सार्वजनिक मालमत्ताही विकत आहेत," असे बॅनर्जी यांनी सांगितले. मोदींचे छायाचित्र असलेले कोविड -१९ लसीकरणाच्या प्रमाणपत्रांचा मुद्दा उपस्थित करीत ममता म्हणाल्या, "कोविड दरम्यान ते येऊ शकले नाहीत. मी रस्त्यावर होते. आज त्याचा चेहरा कोविड लसी प्रमाणपत्रांवर आहे. हे आमचे वैज्ञानिक आहेत की ज्यांनी कठोर परिश्रम घेतले आहेत. "
