कराची येथे निवडणुकीत गैरप्रकार?

कराची येथील काही निवडणूक केंद्रांमध्ये गैरप्रकार झाल्याचे निवडणूक निरीक्षक गटाने स्पष्ट केले. ‘फ्री अ‍ॅण्ड फेअर इलेक्शन नेटवर्क’ या संस्थेने याबाबतचा अहवाल सादर केला. शनिवारी मतदान झाल्यानंतर माध्यमे, इम्रान खान यांच्या तेहरिक-ए- इन्साफ यांच्यासह अनेक पक्षांनी कराचीमधील मतदानात केंद्रांवर गैरप्रकार होत असल्याचा आरोप केला होता.
या भागात मुत्ताहिदा-ए- कौमी मूव्हमेण्टच्या उमेदवारांची सरशी झाली आहे. येथील पाच मतदान केंद्रांवर मतदारांच्या संख्येहून अधिक मतदान झाल्याची आकडेवारी ‘फ्री अ‍ॅण्ड फेअर इलेक्शन नेटवर्क’ने उपलब्ध केली आहे.