ऑस्ट्रेलियाचे कोणतेही दडपण मी बाळगत नाही – रुट - Marathi News | Not Have Any Pressure From Australia Says Root Abn 97

ऑस्ट्रेलिया आणि इंग्लंड हे परंपरागत प्रतिस्पर्धी उपांत्य सामन्यासाठी गुरुवारी एकमेकांसमोर उभे ठाकणार आहेत.

(संग्रहित छायाचित्र)

बर्मिगहॅम : ऑस्ट्रेलिया आणि इंग्लंड हे परंपरागत प्रतिस्पर्धी उपांत्य सामन्यासाठी गुरुवारी एकमेकांसमोर उभे ठाकणार आहेत. या पार्श्वभूमीवर वातावरण चांगलेच तापले असून, ऑस्ट्रेलियाचा ऑफ-स्पिनर नॅथन लायनने ‘हा विश्वचषक तुम्ही गमावणार आहात’ असे इंग्लंडला उद्देशून म्हटले आहे; परंतु मी अशा वक्तव्यांकडे दुर्लक्ष करतो. त्याचे आणि ऑस्ट्रेलियाचे कोणतेही दडपण मी बाळगत नाही, असा दावा इंग्लंडचा फलंदाज जो रूटने केला आहे.

‘‘नॅथन आतापर्यंत बरेच काही अनेक वेळा बोलला आहे. मी प्रामाणिकपणे याकडे दुर्लक्ष करून स्वत:च्या खेळाकडे लक्ष देणार आहे,’’ असे रूटने सांगितले. इंग्लंडला अद्याप विश्वविजेतेपदाला गवसणी घालता आलेली नाही; परंतु १९७९, १९८७ आणि १९९२ मध्ये या संघाने उपविजेतेपद पटकावले आहे. इंग्लंडने ऑस्ट्रेलियाविरुद्धच्या गेल्या १२ लढतींपैकी १० जिंकल्या आहेत.

First published on: 09-07-2019 at 07:37 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Not have any pressure from australia says root abn