कलिंगड चोरले म्हणून दोन मुलांना विवस्त्र फिरवले

मुलांचा व्हिडिओ बनवून अपशब्ददेखील वापरले.

पाकिस्तानमध्ये घडलेल्या एका घटनेत कलिंगडाची चोरी करताना पकडलेल्या दोन मुलांना विवस्त्र करून रस्त्यावरून फिरवण्याच्या प्रकरणी पाकिस्तानी पोलिसांनी दोन जणांना अटक केली. याबद्दल वरिष्ठ पोलिस अधिकारी फिरोज म्हणाले, बशारत आणि इरफानने त्यांच्या दुकानातून नऊ आणि १३ वर्षांच्या दोन मुलांना कलिंगडाची चोरी करताना पकडले. दोघांनी मुलांना यातनाच दिल्या नाहीत तर त्यांना विवस्त्र करून त्यांची धिंड काढली. मुलांचा व्हिडिओ बनवून अपशब्ददेखील वापरले. त्यातील एका मुलाच्या वडिलांनी केलेल्या तक्रारीवरून पोलिसांनी बशारत, इरफान आणि त्यांच्या अन्य साथीदारांना अटक केल्याचे फिरोज यांनी सांगितले. ज्या मोबाईल फोनचा वापर मुलांचा व्हिडिओ तयार करण्यासाठी करण्यात आला होता ते मोबाइल फोन पोलिसांनी ताब्यात घेतल्याची माहिती फिरोज यांनी दिली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Pakistan two child naked for theft watermelon in lahore