S-400: “पदके घेताना लाज वाटली नाही का?” न गाजवलेल्या कर्तृत्वासाठी पाकिस्तानी अधिकाऱ्यांचा सन्मान; सोशल मीडियावर खिल्ली

गुरुवारी पाकिस्तानच्या ७९ व्या स्वातंत्र्यदिनाच्या समारंभात झालेल्या कार्यक्रमापासून सोशल मीडियावर व्हायरल होत असलेल्या एका व्हिडिओमध्ये पाकिस्तानचे पंतप्रधान भारताची एस-४०० हवाई संरक्षण प्रणाली “नष्ट” केल्याबद्दल विंग कमांडर मलिक रिझवान-उल-हक इफ्तिखार यांना पुरस्कार देताना दिसत आहेत.

पाकिस्तानी अधिकाऱ्यांना असंख्य पदके दिली जात असताना, भारताने घातक कथितपणे नष्ट करण्यात आलेल्या एस-४०० बाबत वेगळी भूमिका कायम ठेवली आहे.

२२ एप्रिल रोजी झालेल्या पहलगाम हल्ल्यानंतर मे महिन्यात पाकिस्तानच्या वाढत्या हल्ल्याचा प्रतिकार करण्यासाठी भारताने रशियन बनावटीच्या एस-४०० ची मदत घेतली. त्यानंतर लगेचच, भारताने पाकिस्तानस्थित दहशतवादी स्थळांवर ऑपरेशन सिंदूरद्वारे हल्ले केले होते.

ऑपरेशन सिंदूरनंतर पंतप्रधान मोदींनी आदमपूर हवाई तळाला भेट दिली होती. त्यावेळी मोदींनी पाकिस्तानने सोशल मीडियावर व्हायरल केलेले अनेक व्हिडिओ आणि दावे फेटाळून लावल होते. ऑपरेशन सिंदूरनंतर पंजाबमधील हवाई तळ पाकिस्तानच्या हल्ल्याचे लक्ष्य बनले असले तरी, एस-४०० प्रणालीने सर्व संभाव्य धोके नष्ट केले आणि भारताचे “सुदर्शन चक्र” म्हणून ओळख मिळवली.

इस्लामाबादमध्ये अलिकडेच झालेल्या पुरस्कार सोहळ्यामुळे, नेटिझन्सनी या कार्यक्रमाच्या उद्देशावर आणि पाकिस्तानच्या सततच्या खोट्या बोलण्यावर प्रश्नचिन्ह उपस्थित केले आहे. इंटरनेटच्या एका बाजूला पाकिस्तानच्या स्वातंत्र्यदिनी मलिक रिझवान-उल-हक इफ्तिखार यांना सन्मानित केल्याचे व्हिडिओ प्रसारित केले जात असताना, अनेकांनी एस-४०० “नष्ट” झाल्याच्या दाव्याला पुष्टी देण्यासाठी पुरावे मागितले.

“खोटे बोलल्यानंतरही ते रात्री कसे झोपतात? पूर्णपणे निर्लज्ज,” एका व्हिडिओखाली युजरने टिप्पणी केली. “मला आश्चर्य वाटते की त्यांच्यापैकी कोणालाही ही पदके घेताना लाज वाटली नाही का?”, असे दुसरा एक युजर म्हणाला.