एक्स्प्रेस वृत्त, बंगळूरु

मार्च महिना संपण्यापूर्वीच देशात पाणीटंचाई जाणविण्यास सुरुवात झाली आहे. आयटी-सिटी असा लौकिक असलेल्या कर्नाटकच्या राजधानी बंगळूरुमध्ये चक्क पाणीवापरावरून २२ जणांना दंड ठोठविण्यात आला आहे. तीन दिवसांतील या कारवाईत १.१ लाख रुपये वसूल करण्यात आले आहेत.

10th Board Exam Topper Heer Ghetiya Dies
१० वीला ९९.७० टक्के मिळवणाऱ्या हीरचा निकालानंतर चार दिवसातच मृत्यू; वडिलांचा निर्णय वाचून मन हळहळेल
Ghatkopar hoarding accident Relief work suspended after three days 16 dead
घाटकोपर दुर्घटना : तीन दिवसानंतर मदतकार्य स्थगित, १६ जणांचा मृत्यू
Record sales, vehicles
एप्रिलमध्ये वाहनांची विक्रमी विक्री
gang, vandalizing vehicles,
यवतमाळात वाहनांची तोडफोड करणाऱ्या टोळीची दहशत; १५ दिवसांपासून…
Delay in power generation from Tarapur nuclear reactor
तारापूर अणुभट्टीतून वीजनिर्मितीस विलंब; दुरुस्तीनंतर पुढील किमान १० वर्षे वीज मिळण्याची अपेक्षा
uran height barrier marathi news, uran panvel st bus marathi news
उरण: अखेर उंचीरोधक हटविल्याने चार गावांतील नागरिकांना दिलासा, वाहतूक विभागाच्या अधिसूचनेनंतर उंचीरोधक हटविण्याची कार्यवाही
139 passengers died after falling from the local train in three months
लोकलमधून पडून तीन महिन्यांत १३९ बळी ; रखडलेले प्रकल्प, मर्यादित फेऱ्यांमुळे जीवघेण्या प्रवासाची वेळ
The central government has not given new permission for onion export but the open export of onion from the country is closed
कांद्याची खुली निर्यात बंदच, केंद्राचे आकडे गेल्या वर्षभरातील

बंगळूरुला पाण्याचा पुरवठा हा प्रामुख्याने कावेरी नदीतून केला जातो. याखेरीज महापालिकेने खणलेल्या कूपनलिकांचा वापर शहराची पाण्याची गरज भासविण्यासाठी केला जातो. मात्र यंदा पाऊस कमी झाल्याने पाणीटंचाईचे सावट आहे. त्यामुळे शहराच्या पाणीपुरवठा व निस्सारण मंडळाने पिण्याच्या पाण्याचा अन्यत्र वापर करण्यावर बंदी घातली आहे. शुक्रवारपासून या नियमाची काटेकोर अंमलबजावणी सुरू झाली असून रविवापर्यंत. केवळ ३ दिवसांत २२ जणांकडून जागीच १ लाख १ हजार रुपये दंडापोटी घेण्यात आले आहेत. यातील सर्वाधिक, ६५ हजारांचा दंड हा एकटया दक्षिण-पूर्व भागातून वसूल करण्यात आला आहे.

हेही वाचा >>> द्रविडी पक्षांच्या संघर्षांत तमिळनाडूत भाजपचा शिरकाव करण्याचा प्रयत्न

अधिकाऱ्यांनी दिलेल्या माहितीनुसार यंदा जमिनीतील गोडया पाण्याची पातळी कमालीची घटली असून ५० टक्क्यांवर पाणीटंचाई जाणवत आहे. परिणामी गाडया धुण्याबरोबरच बांधकाम, कारंजी, चित्रपटगृहे किंवा मॉलमध्ये मनोरंजन आदीसाठी गोडया पाण्याचा वापर करण्यावर संपूर्णत: बंदी घालण्यात आली आहे.

पाण्याची गरज आणि पुरवठा..

* बंगळूरु शहराची लोकसंख्या अंदाजे १.४० कोटी

* रोजची गरज सुमारे २,६०० दशलक्ष लिटर

* कावेरी नदीतून दररोज १,४५० दशलक्ष लिटर पुरवठा

* कूपनलिकांमधून दररोज ४०० दशलक्ष लिटर पुरवठा