IPL २०२१ : दिल्लीतील सामने थांबवावेत, उच्च न्यायालयात याचिका दाखल

न्यायमूर्ती प्रतिभा एम. सिंह यांना याचिकेच्या सुनावणीसाठी सूचीबद्ध केले गेले आहे. न्यायमुर्ती म्हणाल्या, ”ही एक जनहित याचिका आहे. वकील करण एस. ठुकराल यांनी ही याचिका दाखल केली आहे. शहरातील रुग्णालयांमध्ये बेड, ऑक्सिजन, अत्यावश्यक औषधे नसताना आणि लोक आपल्या प्रियजनांचा अंत्यसंस्कार करताना दिल्लीत आयपीएल सामने खेळणे “अनुचित” आहे का?, असे ठुकराल यांनी याचिकेत म्हटले आहे.

सध्याच्या परिस्थितीत दिल्लीतील आयपीएल सामने रद्द करून स्टेडियम लोकांना कोविड केअर सेंटर म्हणून देण्यात यावे, अशी विनंती ठुकराल यांनी केली आहे. दिल्लीतील अरुण जेटली स्टेडियमवर २८ एप्रिल रोजी आयपीएलचा एक सामना झाला असून ८ मे रोजी एक सामना होणार आहे.