एएनआय या वृत्तसंस्थेच्या एका पत्रकाराने पीटीआय या दुसऱ्या वृत्तसंस्थेच्या महिला पत्रकाराला मारहाण केल्याचा धक्कादायक प्रकार समोर आला आहे. पीटीआय वृत्तसंस्थेनं हा आरोप केला असून या पत्रकाराने महिला पत्रकारावर अश्लील शेरेबाजी केल्याचाही दावा पीटीआयनं केला आहे. आपल्या अधिकृत एक्स (ट्विटर) हँडलवर यासंदर्भात पोस्ट शेअर केली आहे. या पोस्टमध्ये पीटीआयनं आपली संतप्त प्रतिक्रिया दिली आहे. त्यासह संबंधित घटनेचा व्हिडीओही शेअर केला आहे. एएनआयकडे त्यांनी कारवाईची मागणी करतानाच राष्ट्रीय महिला आयोगाकडे संबंधित पत्रकाराविरोधात तक्रार दाखल करणार असल्याचंही पीटीआयनं जाहीर केलं आहे.

नेमकं काय घडलं?

ही घटना गुरुवारी सकाळी बंगळुरूमध्ये घडल्याचं पीटीआयच्या या पोस्टमध्ये म्हटलं आहे. “एएनआयच्या एका पत्रकाराकडून एक गंभीर कृती घडली असून पीटीआयच्या महिला पत्रकाराला मारहाण व अश्लील शेरेबाजी करण्यात आली आहे. बंगळुरूमध्ये काँग्रेसकडून आयोजित करण्यात आलेल्या एका प्रेस कार्यक्रमात हा प्रकार घडला. यासंदर्भात एएनआय काही कारवाई करणार आहे का?” असा प्रश्न पीटीआयनं केलेल्या पोस्टमध्ये विचारण्यात आला आहे.

Rajasthan dummy teachers news
२८ वर्ष थाटात नोकरी केल्यानंतर सरकार शिक्षक दाम्पत्याकडून वसूल करणार ९.३१ कोटी रुपये; कारण ऐकून थक्क व्हाल!
bombay High Court, bombay High Court Displeased with States Delay in RTE Affidavits, High Court Orders Prompt Action on Admission Issue, rte admission, right to education, Maharashtra government
आरटीई कायद्यातील दुरुस्तीला स्थगितीचे प्रकरण : दीड महिन्यांपासून प्रतिज्ञापत्र दाखल न करणाऱ्या सरकारला उच्च न्यायालयाचे खडेबोल
neet row 63 unfair cases reported no paper leak says nta
‘नीट-यूजी’चे पावित्र्य अबाधितच! एनटीए अधिकाऱ्यांचा दावा; परीक्षेत केवळ ६३ गैरप्रकार झाल्याची माहिती
Mumbai businessman kidnapping marathi news
मुंबई: व्यावसायिकाचे अपहरण, पैशांच्या वादातून घडला प्रकार
Panvel mnc, property tax,
पनवेल महापालिका माजी सैनिकांचा मालमत्ता कर कधी माफ करणार
license suspension, challenge,
पोर्शे घटनेच्या पार्श्वभूमीवर परवाना निलंबन कारवाईला आव्हान, बारमालकांच्या याचिकेवर भूमिका स्पष्ट करा, उच्च न्यायालयाचे राज्य सरकारला आदेश
Ghatkopar hoarding collapse
घाटकोपर फलक दुर्घटना प्रकरण: जाहिरात कंपनीच्या माजी संचालिकेला अटकपूर्व जामीन देण्यास नकार
Controversial career of Dr. Ajay Tavare in Sassoon Hospital
ससूनमधील डॉ. अजय तावरेंची वादग्रस्त कारकिर्द; मूत्रपिंड रॅकेटपासून आमदाराच्या शिफारसपत्रापर्यंत…

“या सगळ्या प्रकारामुळे पीटीआय व्यवस्थापन व संबंधित महिला पत्रकाराच्या सहकाऱ्यांकडून संतप्त प्रतिक्रिया व्यक्त होत आहेत. आपल्या कर्मचाऱ्यांचं संरक्षण करण्यासाठी पीटीआय कोणत्याही थराला जाऊ शकते”, असा इशारा पीटीआयच्या या पोस्टमध्ये देण्यात आला आहे.

घटनेबाबत गुन्हा दाखल करण्याची प्रक्रिया चालू

दरम्यान, या सगळ्या प्रकारामध्ये गुन्हा दाखल करण्याची प्रक्रिया चालू आहे. या प्रकारामुळे संबंधित महिला पत्रकाराला धक्का बसला आहे. आम्ही यासंदर्भात राष्ट्रीय महिला आयोगाकडेही दाद मागणार आहे, असं या पोस्टच्या माध्यमातून पीटीआयनं स्पष्ट केलं आहे.