Russia break Ukraine Referendum process complete Russia claims merger ysh 95 | Loksatta

रशिया युक्रेनचा लचका तोडणार?

रशियाच्या सैन्याकडे ताबा असलेल्या युक्रेनच्या चार प्रांतांमध्ये कथित सार्वमताची प्रक्रिया पूर्ण झाली.

रशिया युक्रेनचा लचका तोडणार?
संग्रहित छायाचित्र/लोकसत्ता

पीटीआय, कीव्ह : रशियाच्या सैन्याकडे ताबा असलेल्या युक्रेनच्या चार प्रांतांमध्ये कथित सार्वमताची प्रक्रिया पूर्ण झाली. जनतेने रशियामध्ये विलीनीकरणाच्या बाजुने कौल दिल्याचा दावा रशियाधार्जिण्या अधिकाऱ्यांनी केला. तर युक्रेनचा लचका तोडण्यासाठी रशियाने सार्वमताचा बनाव रचल्याचा आरोप युक्रेन आणि पाश्चिमात्य देशांनी केला.

युक्रेनमधील डोनेस्क, खेरसन, लुहान्स्क आणि झापोरीझिया या भागांमध्ये रशियाने सार्वमत घेतले. पाच दिवसांची ही प्रक्रिया बुधवारी पूर्ण झाली. निवडणूक कर्मचाऱ्यांनी सैनिकांसह घरोघरी जाऊन मतपत्रिका गोळा केल्या. त्यानंतर रशियामध्ये समावेशाच्या बाजुने जनतेचा कौल असल्याचा दावा चारही प्रांताच्या अधिकाऱ्यांनी केला. त्यानंतर आता विलिनीकरणाबाबत रशियाचे अध्यक्ष व्लादिमीर पुतिन यांना विनंती केली जाणार असल्याचेही त्यांनी सांगितले. याला युक्रेन आणि पाश्चिमात्य देशांनी जोरदार विरोध केला. ‘‘दहशतीच्या सावटाखाली आणि डोक्याला बंदुकीची नळी लावून कोणतातरी कागद भरायला लावणे, हा रशियाचा आणखी एक गुन्हा आहे,’’ अशा शब्दांत युक्रेनच्या परराष्ट्र मंत्रालयाने या सार्वमताचा वाभाडे काढले. तर युक्रेनचा लचका तोडण्यासाठी रचलेल्या सार्वमताच्या नाटकाची शिक्षा म्हणून युरोपीय महासंघाडून रशियावर अधिक कडक निर्बंध लादले जाण्याची शक्यता वर्तवण्यात येत आहे.

रशियाचा दावा

डोनेस्क प्रांतात सर्वाधिक ९९ टक्के नागरिकांनी विलिनीकरणास मंजुरी दिल्याचा दावा रशियाधार्जिण्या अधिकाऱ्यांनी केला. त्याखालोखाल लुहान्स्कमध्ये ९८ टक्के, झापोरीझियामध्ये ९३ टक्के तर खेरसनमध्ये ८७ टक्के नागरिकांनी रशियामध्ये समावेशासाठी कौल दिल्याचा दावा करण्यात आला.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
लेफ्ट. जन. अनिल चौहान संरक्षण दलप्रमुख

संबंधित बातम्या

“मी तो पक्षी आहे, ज्याचे घरटे…”, NDTV चा राजीनामा दिल्यानंतर रवीश कुमार भावूक
“फ्रिजमध्ये श्रद्धाच्या मृतदेहाचे तुकडे होते पण…”, आफताबच्या दुसऱ्या गर्लफ्रेंडने सांगितले धक्कादायक अनुभव
Gujarat Election: काँग्रेस खासदार इम्रान प्रतापगढींच्या जाहीर सभेत गोंधळ, AIMIM वर टीका करताच…
“१०० तोंडांचे रावण” म्हणणाऱ्या मल्लिकार्जुन खरगेंना पंतप्रधान मोदींचे प्रत्युत्तर; म्हणाले, “काँग्रेसमध्ये स्पर्धा लागली की…”
Thackeray vs Shinde: ‘सेनेतच आहात तर…’, BMC निवडणूक, OBC आरक्षण, दीड लाख प्रतिज्ञापत्रे; ठाकरेंच्या युक्तिवादातील २० मुद्दे

व्हिडिओ

ताज्या बातम्या
रायगडमध्ये भात लागवडक्षेत्रात घट; तांदूळ उत्पादनात मात्र वाढ, प्रति हेक्टरी अडीच टन धान्य
शिक्षण सेवकांच्या मानधनात वाढ ; प्रस्ताव मंजुरीसाठी वित्त विभागाकडे
अशोक मल्होत्रा, जतिन परांजपे क्रिकेट सल्लागार समितीवर
महानगर क्षेत्रात लवकरच आपला दवाखाना ; मुख्यमंत्री एकनाथ शिंदे यांची ग्वाही
FIFA World Cup 2022: टय़ुनिशियाविरुद्ध अपात्र गोलबाबत फ्रान्स फुटबॉल महासंघाची तक्रार