UP Election: ‘समाजवादी पक्षात गेलेल्या वडिलांविरोधात प्रचार करणार का?,’ भाजपा खासदार संघमित्रा मौर्य म्हणतात…

संघमित्रा मौर्य म्हणाल्या की, “पंतप्रधान मोदी हे देखील माझ्या वडिलांसारखे आहेत. पण पक्षाने सांगितले तरी वडील स्वामी प्रसाद मौर्य यांच्या विरोधात प्रचार करणार नाहीत,” एनडीटीव्हीशी बोलताना संघमित्रा मौर्य यांनी त्यांची भूमिका स्पष्ट केली. पुढे त्या म्हणाल्या की, “मी भाजपासोबत आहे आणि राहीन. माझ्या वडिलांनी सपामध्ये जाण्यापूर्वी माझ्याशी कोणतीही चर्चा केली नाही. तसेच माझ्यावर भाजपा सोडण्याचा कोणताही दबाव नाही. कौटुंबिक जीवन आणि राजकीय जीवन पूर्णपणे वेगळे आहेत. मी संपूर्ण राज्यात भाजपाचा प्रचार करणार आहे. मात्र पक्षाच्या सांगण्यावरूनही मी वडिलांच्या विरोधात प्रचार करणार नाही, मला भाजपाच्या लोकांना निष्ठेचे प्रमाणपत्र देण्याची गरज नाही,” असं त्यांनी सांगितलं.

स्वामी प्रसाद मौर्य कुशीनगरच्या पडरौना मतदारसंघातून आमदार आहेत. स्वामी प्रसाद मौर्य यांनी नुकताच उत्तर प्रदेश सरकारमधील मंत्रिपदाचा राजीनामा देऊन समाजवादी पक्षात प्रवेश केला आहे. २०१६ मध्ये स्वामी प्रसाद मौर्य यांनी मायावतींचा बहुजन समाज पक्ष सोडला आणि २०१७ च्या यूपी निवडणुकीपूर्वीच भाजपामध्ये प्रवेश केला होता. २०१७ प्रमाणेच यावर्षी देखील ते ऐन निवडणुकांच्या तोंडावर भाजपा सोडत समाजवादी पक्षात सामील झाले.