मोठी बातमी: राजधानी दिल्लीत भूकंपाचे तीव्र धक्के

राष्ट्रीय भूकंप निरीक्षण आणि संशोधन केंद्राने दिलेल्या माहितीनुसार, या भूकंपाचा केंद्रबिंदू नेपाळमध्ये आहे. सोमवारी सायंकाळी ४ वाजून १६ मिनिटांनी नेपाळमध्ये ५.६ रिश्टर स्केल तीव्रतेचा भूकंप झाला. नेपाळमध्ये केंद्रबिंदू असलेल्या या भूकंपामुळे दिल्लीसह आसपासचा परिसर हादरला आहे.

हेही वाचा- नेपाळमध्ये १४० भूकंपबळी सुमारे १५० जण जखमी

भूकंपाचे धक्के जाणवल्यानंतर नागरिकांनी घराबाहेर पळ काढला. अवघ्या एक महिन्यात चौथ्यांदा भूकंपाचे धक्के जाणवल्याने लोकांमध्ये भीतीचं वातावरण पसरलं आहे. या दुर्घटनेत घरांची पडझड झाल्याची अथवा जीवितहानी झाल्याची अद्याप कोणतीही माहिती समोर आली नाही.