तिहारमध्ये सुब्रतो रॉयसाठी एसी, वाय-फाय, व्हिडिओ कॉन्फरंसिंग… बिल १.२३ कोटी

याठिकाणीच त्यांनी न्यूयॉर्क आणि लंडनमधील आपल्या दोन आलिशान हॉटेलांच्या विक्रीसंदर्भातील बैठका घेतल्या होत्या. या दहा दिवसांमध्ये वाय-फाय आणि व्हिडीओ कॉन्फरंसिंगसारख्या सुविधा वापरण्याची परवानगी न्यायालयाने त्यांना दिली होती. यादरम्यान त्यांनी गुंतवणुकदार आणि आपल्या दोन मुलांशीदेखील संपर्क साधला. गुंतवणूकदारांचे २४ हजार कोटी रुपये परत न केल्याच्या आरोपाखाली १४ मार्च २०१४ पासून सुब्रतो रॉय तिहार तुरुंगात शिक्षा भोगत आहेत. सर्वोच्च न्यायालयाने २०१२ मध्ये पहिल्यांदा सहारा समुहाला गुंतवणूकदारांचे पैसे परत करण्याचे आदेश दिले होते. सेबी आणि सर्वोच्च न्यायालयाच्या आदेशानंतरदेखील सहारा समुहाने गुंतवणूकदारांचे पैसे परत केले नाहीत. सर्वोच्च न्यायालयाने सहारा समुहाचे प्रमुख सुब्रतो रॉय यांना न्यायालयात हजर राहाण्यास सांगितले, त्यासदेखील त्यांनी टाळाटाळ केली. यानंतर सर्वोच्च न्यायालयाच्या आदेशांचे पालन करत लखनऊ पोलिसानी सुब्रतो रॉयना दिल्लीत आणून न्यायालयासमोर सादर केले. यावेळी न्यायालयाकडून त्यांना दहा हजार कोटी रुपयांचा जामीन मंजूर करण्यात आला होता. परंतु, ते त्याची पूर्तता करू शकले नाहीत, ज्यानंतर त्याना जामीन मिळाला नाही.