सुप्रीम कोर्टाच्या न्यायाधीश पदासाठी न्यायवृंदाकडून ‘या’ तीन न्यायाधीशांच्या नावाची शिफारस

यामध्ये दिल्ली उच्च न्यायालयाचे मुख्य न्यायमूर्ती सतीश चंद्र शर्मा, राजस्थान उच्च न्यायालयाचे मुख्य न्यायाधीश ऑगस्टीन जॉर्ज मसिह आणि गुवाहाटी उच्च न्यायालयाचे मुख्य न्यायाधीश संदीप मेहता यांचा समावेश आहे. या तीन न्यायाधीशांच्या नियुक्तीनंतर सर्वोच्च न्यायालयातील न्यायाधीशांची संख्या ३४ वर जाईल.

सर्वोच्च न्यायालयात सध्या तीन जागा रिक्त आहेत. संबंधित जागा भरण्यासाठी तीन न्यायाधीशांच्या नावांची शिफारस करण्यात आली आहे. सर्वोच्च न्यायालयाच्या पाच सदस्यीय कॉलेजियमने हा निर्णय घेतला आहे. सरन्यायाधीश चंद्रचूड यांच्या अध्यक्षतेखालील कॉलेजियममध्ये न्यायमूर्ती संजय किशन कौल, न्यायमूर्ती संजीव खन्ना, न्यायमूर्ती बीआर गवई आणि न्यायमूर्ती सूर्यकांत यांचा समावेश होता.