Rajasthan Train Accident : मुंबई-जोधपूर सूर्यनगरी एक्सप्रेसचे आठ डबे रुळावरून घसरले; १० प्रवासी जखमी

हेही वाचा – Delhi Accident: “आई मी रात्री १० वाजेपर्यंत घरी येते,” दिल्ली अपघातात मृत्यू झालेल्या तरुणीचे ‘ते’ ठरले शेवटचे शब्द

सोमवारी मध्यरात्री मुंबई-जोधपूर सूर्यनगरी एक्सप्रेस मारवाड येथून निघताच अचानक रुळावरून घरसली. या अपघातात रेल्वेचे आठ डबे रुळांवरून घसरले असून ११ डब्यांचे नुकसान झाले आहे. तसेच या अपघाताची माहिती मिळतात अधिकारी आणि कर्मचारी घटनास्थळी दाखल झाले असून प्रवाशांना पुढच्या प्रवासासाठी बसेस उपलब्ध करून देण्यात येत असल्याची माहिती रेल्वेच्या अधिकाऱ्यांनी दिली आहे. याबरोबरच प्रवाशांच्या मदतीसाठी ०२९१- २६५४९७९(१०७२), ०२९१- २६५४९९३(१०७२), ०२९१- २६२४१२५, ०२९१- २४३१६४६ हे हेल्पलाईन क्रमांकही रेल्वे प्रशासनाकडून जारी करण्यात आल्याचेही ते म्हणाले.

दरम्यान, “गाडी मारवाड जंक्शन येथून निघताच अचानक व्हायब्रेशन सुरू झाले आणि काही मिनिटाच गाडी थांबली. आम्ही खाली उतरू बघताच गाडीचे काही डब्बे रुळावरून घसरले होते”, अशी प्रतिक्रिया प्रवाशांनी दिली आहे.