देशात करोनाने हाहाकार केला आहे. देशातील शिक्षण व्यवस्थेवर देखील याचा मोठा परीणाम झाला आहे. दरम्यान, करोनाच्या पार्श्वभूमीवर शैक्षणिक सत्र २०२१-२२ पासून पदवीपूर्व प्रवेशासाठी केंद्रीय विद्यापीठातील सामान्य प्रवेश परीक्षा (CUCET) यावर्षी लागू केली जाणार नाही, अशी घोषणा विद्यापीठ अनुदान आयोगाने (UGC) रविवारी केली. केंद्रीय शिक्षण मंत्रालयाने राष्ट्रीय शिक्षण धोरण (NEP) २०२० अंतर्गत सूचित केलेल्या केंद्रीय विद्यापीठांमधील सर्व पदवी अभ्यासक्रमांच्या प्रवेशासाठी सीयूसीईटीच्या कार्यपद्धती तपासण्यासाठी एक समिती गठीत केली होती. In view of prevailing COVID-19 pandemic, admission process in Central Universities during Acad Session 2021-22, may continue as per past practice. Central Universities Common Entrance Test (CUCET) may be implemented from Acad Session 2022-23. @dpradhanbjp @EduMinOfIndia @PIBHRD — UGC INDIA (@ugc_india) July 18, 2021 तसेच यूजीसीने शनिवारी सर्व विद्यापीठे आणि महाविद्यालयांना १ ऑक्टोबरपर्यंत नवीन पदवी आणि पदव्युत्तर विद्यार्थ्यांसाठी वर्ग सुरू करण्याचे निर्देश दिले. केंद्रीय माध्यमिक शिक्षण मंडळासह शालेय मंडळे ३१ जुलैपर्यंत निकाल जाहीर झाल्यानंतर उच्च शैक्षणिक संस्थांसाठी प्रवेश प्रक्रिया सुरू करतील.
